Wanna Koiola koggokonna kohtun Wissen, sel 1sel märzil 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Lokko otsa perremehhe nim(m)elt tulliwa ette: Peep Tobre, Johann Sainast, Jaan Merk, Josep ja Johann Kadde, Semen Haidak ja Johann Lutzar ja anniwa ülles nim(m)elt: Johann Sainast, Jaan Merk ja Josep Kadde et nem(m)a tahtwa sitta- ja wastse-maa päält kats wilja; nink Johann Kadde, Semen Haidak ja Johann Lutzar tahtwa jälle wastsit piire kätte sada. Wimate Peep Tobre tahhap ka neide eesmäste perra; ent et Josep Kadde ja Jaan Merk tem(m)a raotu ja arrito sõro röas teijewa; sis ei luppa tem(m)a neile neide sittamaa rügga olgi om(m)a wastse krundi perra mitte sissest tetta laske. -

Moistetu: Se otsus perra, mes sel 19nel mail 1875 Nr 49 protokollin saisap ja nüüd ka neile ette kulutedu mes perra ka kiik suremb jaggo walda rahho omma jänu. -

Otsus: Se om et sel 1876 aastal ei olle üttelgi perremehhel lubba tõise wastse krundi päle olgu nurme ehk mõtsa künda ja külwa, kohhe sitta ei olle pantu, ent kohhe sit aja päle pantu ja rügga ütsinda woetu; wõttap wanna arwo perra weel wanna perremees ka tõug willi mes tahhap; nink nidasamote ka wastse maa päält kats wilja. Ent essierralde perrip Peep Tobre om(m)a walmis arrito sõro röa Jaan Merk ja Josep Kadde käest taggasi, mes nem(m)a wäggiwaldsest om(m)a ärra külwnu ja Peep Tobre massap seme taggasi; ent kui ne nim(m)itedu kats sedda ei tahha lubbada, sis ei olle neil ka lubba Peep Tobre wastse krundi sisse om(m)a sitta maa rügga olgi tetta. -

Kohtokäüjile otsus ette loetu, suremba kohtokäümisse sädus § 772, 773 n. 774  perra kulutedu.

                  Kohtowannemb, J Pihho

                  Kohtomees, Johann Keerd  XXX

                  Kohtomees, Karel Kooskora  XXX

                        Kirjotaja, J. Käis

Neile kes rahhu es olle: Johann ja Josep Kadde, n. Jaan Merk, protokoll lubbatu. - Johann Kadde protokoll wälja saanu sel 3tal märzil s.a. -