Wanna Koiola koggokonna kohtun Wissen, sel 1sel märzil 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

/: Saije ette woetus, mes sel 9tal webruaril s.a. Nr 31. polele jäije:/ -

Michel Pikk and tunnistust:"Minna kuli kui Peter Konna üttel: Nüüd olle minna om(m)a nurme wahhetanu ja tem(m)ast wallale sanu, mes am(m)u tahhi; olles ta rum(m)al 150 rbl. päle küssinu, olles häämelega masnu. " -

Märt Kahhar Põlwast and tunnistust: Nem(m)a wahheti om(m)a nurme maa tõine tõisega, et Peter Konna massap 100 rbl. päle ja kumb taggasi tahhap, massap tagganushinda 25 rbl. Nida olli neide wahhetus." -

Moistetu: Et se lepping kül kõrtsin om tettu, kon woise ka se leppingo teggeminne purjo päga tettus sada; ent et ka awwalikkus om sanu, et Peter Kon(n)a eddi-

malt om tahtnu omma nurme wahhetada ja 100 rbl. päle massa. 

Otsus: Nurm peap kül wahhetamata jäma, mes kronu sädus ei lubba nink 100 rbl. jääp ka sis masmata, sest et kõrtsin om tettu; ent siski peap Peter Konna om(m)a rum(m)alusse eest Jaan Moistole 7 rbl. tagganus kaupa 20 aprilis s.a. ärra masma.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                     Kohtowannemb, J Pihho

                     Kohtomees, Johann Keerd  XXX

                     Kohtomees, Karel Kooskora  XXX

                               Kirjotaja, J. Käis