Wanna Koiola koggokonna kohtun Wissen, sel 8tal märzil 1876.

Man olliwa kohtowannemb, Jaan Pihho

                    kohtomees, Peep Tobre

                    kohtomees, Johann Keerd

Keiserlikko V. T. K. kohtu kirja perra sel 24 webr. Nr 865 kästas 2 rbl. trahwi sisse masa 17 märzini ja assi 4 rbl. trahwi massa Jakob Heumo kaibussen wastu Jaan Jännes ärra täüta; sest et Jakob Heumol weel Jaan Jännes käest rahha sada. 

Nink Jakob Heumo ütles: Palka olle minna Jaan Jannes käest sanu 4 rbl. 80 kop ent saija om weel 5 rbl 20 kop. Kihhelkonna Kohto otsus perra, mes sääl om moistetu, ülle kige kokko: 10 rbl. Ent 3 rbl. olle minna ka tem(m)a käest sanu, mes om trahwi rahha, nink palga külge ei puttu." -

Jaan Jännes wastutas:"Minna olle tälle palk, mes moistetu 10 rbl. illosaste kätte masnu. Se om seddawisi: Eesmält 3 rbl. ja Kihhelkonna Kohto edde tarren 

3 rbl ja kohtowannemba läbbi 1 rbl 80 kop. nink 6 naela wõid 1 rbl. 20 kop. - Haina aigo wiit ta mul 1 päiw, kelle eest 1 rbl. nõwwa ja kessa kündmisse aigo 2 päi-

wa, nõwwa 2 rbl.

Jakob Henno wastutas: Minna saije kül wõido ent egga ta kalut  es olle ja minna seije ta ärra katte päiwaga." -

Moistetu: Et se awwalik Kihhelkonna Kohto kirja perra, et Jakob Heumo 10 rbl. nõwwap ja 9 rbl. täl ennegi sada; om eddimalt üts tük wõlsi. Päle se om tem(m)a 7 rbl 80 kop. Jaan Jännes käest puhhast rahha palka wälja sanu, kon täl märastige trahwi raha sada es olle, ni kui ütles: et 3 rbl. trahwis olla perremehhe käest wälja sanu. Nink woid om ta ka sanu, mes 1 rbl. 20 kop. piddawat masma. Rahha perra ülle kige 9 rbl. kätte sadu. - Perrast 3 päiwa ärra wiitnu, mes tedagi 3 rbl. töö ajal masma. Sis om Jaan Jännes koggoni tassa Jakob Heumoga.

Otsus: Sis peap Jakob Heumo weel Jaan Jännes kätte 1 1/2 rbl. wideto päiwi eest masma. Nink ka 2 rbl. trahwi rahha, et ilma eest Kihhelkonna kohto sisse kai-

was, kogg. kohto päle peap om(m)ast käest masma. Se nim(m)itet rahha 3 1/2 rbl. peap Jakob Heumo 12mas märzis s.a. sija koggokonna kohto kätte sisse masma.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                     Kohtowannemb, J. Pihho

                     Kohtomees, Peep Tobre  XXX

                     Kohtomees, Karel Kooskora  XXX

                             Kirjotaja, J. Käis

Jakob Heumo protokoll wälja sanu sel      märzil s.a.