Wanna Koiola koggokonna kohtun Wissen, sel 8tal märzil 1876.

Man olliwa kohtomees, Peep Tobre

                    kohtomees, Karel Kooskora

          abbi  kohtomees, Michel Kurwitz

Johann Jäger kaibap, et Jaan Pihho ei täütwat omma henne katte waiel leppitud maja müümisse ja ostmisse otsust, mes sel 23tal oktobril 1875 Nr 171. proto-

kollin saisap. Nõwwap ütte otsust, kas paika jääp, wai peap ärra minnema.

Jaan Pihho kaibap ja wastutap üttelissi Johann Jäger möie mulle kül om(m)a maja õigus nim(m)etedu päiwal ärra ja saije tälle 100 rbl. kätte antus ja 800 rbl. 2sel januaris lubbatus massa; sis pallil ka minna Act henda nim(m)e päle kirjotada laske, mes Johann Jäger ka lubbas täüta; ent wimate, kui Acti kätte andminne Kom(m)issioni hennade polest ette tulli, sis es anda mitte minno nim(m)e päle, sest et üttegi lubbamist Johann Jäger perrandajide polest es olle; nink kästi Riga Domainen wallitsus kätte Act sata, mes ka tettus wallawallitsus polest saije. Ent täämbatse päiwani ei olle teedmist ei ka Acti taggasi tulnu, kas Johann Jäger perrandajide, wai minno päle se maja jääp perrida.

Sis palle minna ka täämba koggokonna kohtu käest otsust, kuis saap jäma, sest et mul peap seme põldu külwa ja teendre selle töö tarbis walmis ollema, kau-

belda." -

Johann Jäger pand sedda sures süüs, et Jaan Pihho ei olle 800 rbl. 2ses januaris s.a. ärra masnu ja nõwwap nüüd 200 rbl hendale kahjo tassomisses ja 100 rbl. tagganus kaubas  leppingo perra." -

Jaan Pihho wastutas:"Minna olle egga kõrd walmis ja ka nüüd masma, kui Act minno nim(m)e päle om kinnitedu Domainen wallitsus kohto poolt. Ent enne ei massa üts koppek ülle se rahha, mes tälle kätte antu om. Se om teedmata, et wõiwa ka tem(m)a perrandajide päle kinnitedus sada, n. sis olle minna om(m)ast käest antu rahhast ilma ja majast ka. Ni rum(m)al minna kül ei tahha olla." -

Moistetu: Et se awwalik, et neil Acti päle kattekeske leppit olli, mes Krono wallan nüüd pää assi om, nida kui ka moisnikki wallan kondrati om(m)a; ilma kelleta ütski maawõtmisse ehk ka piddamisse õigus kindma ei olle. Kui Johann Jäger teese, et tem(m)al Acti ütsinda wõimu es olle Jaan Pihho nim(m)e päle murret-

seda, ehk kui ka kuulis, et Kom(m)issioni henna ütliwa: Et sedda ei olle neide woimun tetta; sest et tem(m)al ka muid perrandajid om päle tem(m)a henda, sis piddi om(m)a lepping Jaan Pihho wastu täütma ja 100 rbl. Jaan Pihhole tagganus kaupa kätte masma.

Otsus: Et täämbatse päiwani Acti om Domainen wallitsus kohto käest taggasi odetu, mes Johann Jäger lubbas ka murretseda ja tulnu weel ei olle, sis masku Johann Jäger Jaan Pihhole tagganus kaupa 100 rbl ülle selle rahha, mes täl ka käen om, 14 päiwa sissen kätte ja piddago essi om(m)a maja, ehk tem(m)a perrija; kellel ka se sam(m)a õigus om. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                            Kohtomees, Peep Tobre

                            Kohtomees, Karel Kooskora  XXX

                  abbi  kohtomees, Mihkel Kurwitz

                                  Kirjotaja, J. Käis

Johann Jäger ei olle selle otsussega rahho pallel protokoll wälja, mes kohhus lubbas. 

Joh. Jäger protokoll wälja sanu, sel 9tal märzil s.a.