Kärt Rästäs kaibas et Jaan Hammer tedda om enne aigu tenistussest wallale lasknu, nink ei olle ka temma palka ärrä masnu, ja om tedda koggoni ommas majast ärrä ajanu.
Jaan Hammer astus kohto ette nink temmale om se Kärt Rästä kaibus ette loetu. Selle päle andse Jaan Hammer kostust: " Minnol olli jo minnewal kewwadel Mai kuul Kärtoka tülli temma roppu suu nink wastapandmisse ja allati wandumisse nink minno muide maja rahwale halwas eenkojus ollemisse, ja kigele kurjale kihhutamisse perrast. sis ajasi minna Kärt Rästä ommast majast ärrä, minno maja rahwast kurjale kihhutamisse perrast, ent Kärt olli kawwal ja teggi allandlikko wagga nägo ja palles minno emmandat et tedda weel teenistusse jätta ja eggan asjan täwwelikult sõnna kuulda, nink es lubba kunnagi ennamb pahhandust tetta; Kärt ütles: "Kui minna weel teile ütteki asjaka sa wasta pannema ehk pahhandust teggema, sis ajage minno ommast majast ilma palkamasmada wäljä." Minno emmand ja minna mõtlesime et innimenne wõib jo henda parrantada, nink selle lodussega jätti minna Kärto weel omma teenistuste.
Se olli päle kolmekunninga päiwa (sel aastal), kui Kärt Rästas minno tütrele kapstarawwaga kurra põsse päle ütte haawa olli sisse lönu, mes 2 tolli pik olli: selle päle sai minna wäega wihhatses nink käskse Kärtol minno majast ärrä minna, ja ütlesi temmale, et minnol tedda nüüd ennamb tarwis ei olle, ja et ta nüüd wõib minna kohhes temma tahhap."
Kärt Rästas astus kohto ette nink temmale om se Jaan Hammeri (wasta) kaibus ette loetu. Selle päle kostis Kärt Rästas: "Minna ei olle kunnagi perremehhe käskmissele wasta pandnu, enge olle egga kõrd temma sõnna kuuldnu. Minna ei olle ka perremehhe tüttärd kapsta rawwaga hawanu, se ei olle mitte õige mes perremees Jaan Hammer minno päle kaiwanu om. Se om kül õige et minna minnewal kewwadel Mai kuul Jaan Hammerit pallesi minno tenistuste taggasi wõtta, nink minna lubbasi eggal ajal täwwelikult sõnna kuulda, ja kui minno polest weel pahhandust saap tullema, sis minno jalla päält tenistussest wõib wallale laska. Sedda ütles ka Kärt õige ollewat, et temma paljo pahhandusse perrast ommale perremehhe Jaan Hammerile om ütte roppu sõnna üttelnu, "wõtta ja lõika Reino T... ärrä ja panne hendale kaela rippuma."
Otsus.
Jaan Hammer om tüdruk Kärt Rästale aasta palkas lubbanu 12 Rubla selget rahha ja 1 pund linnu, se teep üttekokko rahha perra 15 Rubla; et Kärt Rästas ennegi 8 kuud om tenistussen olnu, massap Jaan Hammer 8 kuu palka 10 Rubla Kärt Rästäle wäljä, 7 Rbl. 50 Kop. om Kärt palka jo kätte sanu nink Jaan Hammer massap nüüd weel 2 Rbl. 50 Kop. Kärt Rästäle palka wälja.
Lihwlandi Tallorahwa Sadussen aastast 1860 §. 386 perra om Kärt Rästas Jaan Hammeri tenistussest wallale mõistetu, nink Kärt Rästa omma tunnistusse perra et temma roppu suud om prukinu massap Kärt Rästas 2 Rbl. 50 kop. trahwi waeste ladiku kaswus.
Se kohtomõistmisse otsus om neile kohton käujatele L. T. S. aastast 1860 §§. 772, 773 perra ette kuulutedu. Kärt Rästäs ei olle se kohtomõistmissega rahhule nink om sel 15. Febr. c. selle kohto een omma sowimist teeda andnu, et temma tahhap surembat kohhut pallelda omma kohtonkäimisse asju selletada.
Kärt Rästas ei olle Appellation tähte andu.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
Kärt Rästäs kaibas et Jaan Hammer tedda om enne aigu tenistussest wallale lasknu, nink ei olle ka temma palka ärrä masnu, ja om tedda koggoni ommas majast ärrä ajanu.
Jaan Hammer astus kohto ette nink temmale om se Kärt Rästä kaibus ette loetu. Selle päle andse Jaan Hammer kostust: " Minnol olli jo minnewal kewwadel Mai kuul Kärtoka tülli temma roppu suu nink wastapandmisse ja allati wandumisse nink minno muide maja rahwale halwas eenkojus ollemisse, ja kigele kurjale kihhutamisse perrast. sis ajasi minna Kärt Rästä ommast majast ärrä, minno maja rahwast kurjale kihhutamisse perrast, ent Kärt olli kawwal ja teggi allandlikko wagga nägo ja palles minno emmandat et tedda weel teenistusse jätta ja eggan asjan täwwelikult sõnna kuulda, nink es lubba kunnagi ennamb pahhandust tetta; Kärt ütles: "Kui minna weel teile ütteki asjaka sa wasta pannema ehk pahhandust teggema, sis ajage minno ommast majast ilma palkamasmada wäljä." Minno emmand ja minna mõtlesime et innimenne wõib jo henda parrantada, nink selle lodussega jätti minna Kärto weel omma teenistuste.
Se olli päle kolmekunninga päiwa (sel aastal), kui Kärt Rästas minno tütrele kapstarawwaga kurra põsse päle ütte haawa olli sisse lönu, mes 2 tolli pik olli: selle päle sai minna wäega wihhatses nink käskse Kärtol minno majast ärrä minna, ja ütlesi temmale, et minnol tedda nüüd ennamb tarwis ei olle, ja et ta nüüd wõib minna kohhes temma tahhap."
Kärt Rästas astus kohto ette nink temmale om se Jaan Hammeri (wasta) kaibus ette loetu. Selle päle kostis Kärt Rästas: "Minna ei olle kunnagi perremehhe käskmissele wasta pandnu, enge olle egga kõrd temma sõnna kuuldnu. Minna ei olle ka perremehhe tüttärd kapsta rawwaga hawanu, se ei olle mitte õige mes perremees Jaan Hammer minno päle kaiwanu om. Se om kül õige et minna minnewal kewwadel Mai kuul Jaan Hammerit pallesi minno tenistuste taggasi wõtta, nink minna lubbasi eggal ajal täwwelikult sõnna kuulda, ja kui minno polest weel pahhandust saap tullema, sis minno jalla päält tenistussest wõib wallale laska. Sedda ütles ka Kärt õige ollewat, et temma paljo pahhandusse perrast ommale perremehhe Jaan Hammerile om ütte roppu sõnna üttelnu, "wõtta ja lõika Reino T... ärrä ja panne hendale kaela rippuma."
Otsus.
Jaan Hammer om tüdruk Kärt Rästale aasta palkas lubbanu 12 Rubla selget rahha ja 1 pund linnu, se teep üttekokko rahha perra 15 Rubla; et Kärt Rästas ennegi 8 kuud om tenistussen olnu, massap Jaan Hammer 8 kuu palka 10 Rubla Kärt Rästäle wäljä, 7 Rbl. 50 Kop. om Kärt palka jo kätte sanu nink Jaan Hammer massap nüüd weel 2 Rbl. 50 Kop. Kärt Rästäle palka wälja.
Lihwlandi Tallorahwa Sadussen aastast 1860 §. 386 perra om Kärt Rästas Jaan Hammeri tenistussest wallale mõistetu, nink Kärt Rästa omma tunnistusse perra et temma roppu suud om prukinu massap Kärt Rästas 2 Rbl. 50 kop. trahwi waeste ladiku kaswus.
Se kohtomõistmisse otsus om neile kohton käujatele L. T. S. aastast 1860 §§. 772, 773 perra ette kuulutedu. Kärt Rästäs ei olle se kohtomõistmissega rahhule nink om sel 15. Febr. c. selle kohto een omma sowimist teeda andnu, et temma tahhap surembat kohhut pallelda omma kohtonkäimisse asju selletada.
Kärt Rästas ei olle Appellation tähte andu.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
