Wanna Koiola koggokonna kohtun Wissen, sel 22tal märzil 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

                    kohtomees, Peep Tobre

Andres Peedzo kaibap, Peter Loks päle hobbesega päle ajamisse perrast, nõwwap 50 rbl.

Peter Loks wastutas:"Minna es olle om(m)a hobbese man ja mul satte piitsk mahha, mes tahhi ülles wõtta; nink om(m)a hobbese manno minna es sa, sest et kõwwaste sõitma nakkas; kui Andres Peedzo näggi, et hobbene ilma mehheta tulli, sis piddi henda kõrwale hoitma; mulle ei puttu se middagi." -

Jaan Tootz and tunnistust:"Minna näije kül sedda, et Andres Peedzo tee päält ülles tulli; ent sedda es näe, kas satte essi, wai saije puu koormast mahha lödus." 

Moistetu: Et se awwalik, et Peter Loks essi om(m)a puu koorma man es olle, kui hobbene lõhkma läts; nink tunnistust selle ülle ka ei olle, et Peter Loks hobbene tedda olles maha lönu. Ent sellest om Peter Loks süüdlane, et om(m)a hobbese man es olle, ja nakkas piitska maast ülles otsma. -

Räppina tohtre täht sel 1sel nowembril 1875. ei anna ka sedda tunnistust, et Andres Peedzo surma löök olles sanu, mes essi ütlep sawat.

Otsus: Massap Peter Loks Andres Peedzole § 1058 perra wallo rahhas 1 rbl. ja selle walla waeste ladike hääs trahwi 60 kop. 14 päiwa sissen wälja. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                       Kohtowannemb, J Pihho

                       Kohtomees, Johann Keerd  XXX

                       Kohtomees, K. Kooskora  XXX

                           Kirjotaja, J. Käis

Andres Peedzo ei olle rahho sellega ja pallel protokoll wälja, mes ka lubbati; nink oppusleht anti täämba kätte, protokoll wälja sanu sel 26 märz