Tawit Altosaar Sangaste wallast astus kohto ette nink kaibas: "Waltina möldre Jaan Assi om minnoga leppinu kige minno maja wilja Waltina weski pääl ärrä jahwatada 5 Rubla eest. Minna tahha sedda 5 Rublat taggasi sada selle perrast, et temma om minnol ütte wakka Keswi ärrä warrastanu."

Jaan Assi astus kohto ette nink temmale om se Tawit Altosaare kaibus ette loetu, selle päle kostis Jaan Assi: "Minna ei tija sellest Keswa wargussest middake, kui se assi om õige, sis om minno pois sedda kurja tennu. Minna olle enne Jakob päiwa Sangaste mehhele allostanu jahwatada, nink päle Mihkle päiwa 2 näddalat kutsus Tawit Altosaar minno henda pole, sis andse temma minnole sedda 5 Rublat rahha jahwatusse päle. Sedda wilja tõi Tawita pois weskiwwile, minna es näe kui se willi toodi ja es näe ka minna sedda, kui se jahhu ärrä weedi, sedda tijap minno weski pois. 

Otsus.

Et Tawit Altosaar om lõidnu et temma kottist om Keswi pudunu, nida et kottil üts jaggo päält tühhi om olnu nink Waltina möldre om sedda Keswa kotti jälle täüs pandnu, om kohhus moistnu, et Jaan Assi 2 Rbl. 50 Kop. sellest jahwatusse rentist peap Tawit Altosaarele taggasi masma nink om ka nüüd se jahwatamisse lepping otsan, ni et Tawit Altosaar woip muijal weski man omma jahwatust jahwatada, kui temma tahhap. 

Päkohtomees Märt Lüüs XXX

Kohtomees Jaan Reiljan XXX

  "  Ado Puusep XXX

  "  Karl Wallner XXX