Peter Taniel Linnamäe walla mees, kaibas Pisso kõrtsimehhe Johann Kallioni päle, et Johann temma särki om säljäst ärrä kisknu nink kõrtsi wõlla eest pandis wõtnu, 45 Kopka eest. 

Johann Kallion astus kohto ette nink temmale om se Peter Tanieli kaibus ette loetu, selle päle kostis Johann Kallion, et Peter Taniel temmale 2 Rbl. 60 Kop. wõlgo om. 

Tunnistaja Johann Lüüs astus kohto ette nink andse tunnistust: "Minna olle kül kuuldnu et Peter Taniel Pisso kõrtsimehhele wõlgu olli, ent kui palju sedda wõlga olli ei tija minna tunnistada."

Tunnistaja Mihkli Lüüs astus kohto ette nink andse tunnistust nidasamute kui Johann Lüüs om tunnistanu.

Tunnistaja Karl Kraam astus kohto ette nink andse tunnistust: "Minna kuuldse kui Pisso kõrtsimees Peter Tanielile ütles, "kunnas sinna minno wõlla ärrä massate;" selle päle kostis Peter Taniel, "kül minna too wäikesse wõlla ikkes ärrä massa." Minna ei olle kuuldnu ja ei tija ka kui suur se wõlg om olnu, mes Peter Tanielil Pisso kõrtsimehhele massa om. 

Otsus.

Peter Tanieli omma tunnistusse perra om temma kül kõrtsimehhele wõlgu, ei mitte nida paljo kui kõrtsimees nõuwab, om koggokonna kohhus mõistnu, et Peter Taniel peap 1 Rbl. 30 kop. kõrtsimehhe Johann Kallionile ärrä masma, nink Johann Kallion peap Peter Tanielil särki kätte andma. 

Päkohtomees Märt Lüüs XXX

Kohtomees Jaan Reiljan XXX

  "  Ado Puusep XXX

  "  Karl Wallner XXX