Wanna Koiola koggokonna kohtun Wissen, sel 12nel aprilil 1876.

Man olliwa kohtowannemb, Jaan Pihho 

                   kohtomees, Karel Kooskora

            abbi kohtomees, Michel Kurwitz

Jaan Toodz kaibap, et Jaan ja Michel Kirristaja lubbanuwa tälle katte küllimüt alla maad kartohwlis tetta, kohhe 14 koormat sitta pandnu; nink kui kartohwli ärra olla wõtnu; sis om(m)a ka se ma tem(m)a käest ärra wõtnu ja ei olle katte wilja sitta päält wõtta lasknu. Nõwwap 15 rbl.

Jaan Kirristaja wastutas:"Min(n)a tälle kül lubbasi 3 päiwa teggemisse eest; ent perrast tahhi kaar sisse tetta; sis olliwa täl kartohwli ärra jo tettu." -

Michel Kirristaja wastutas:"Minna lubbasi tälle kül, kui tem(m)a mul sullasen olli, se maa ütte wilja alla; ent mitte katte wilja alla." 

Moistetu: Et üttegi tunnistust; neide waiel ei olle, et katte wilja päle olles antu, ent Jaan Toodz kui ka Jaan Tolk sit om(m)a pandnu, nink kohtomees Karel Koos-

kora olli se ma minnewa aasta jo ärra keelnu, ent siski teijewa Jaan ja Michel Kirristaja ülle kelo ärra, nida kui sel 10tal septembril 1875 Nr 142. protokollin sai-

sap. 

Otsus: Sis peawa Jaan Ja Michel Kirristaja tolle kohto otsus perra kumbgi 24 tundi siin kohto maja türmin ärra istma; ent selle maa eest, massap kumbgi 2 rub-

lat Jaan Toodz´le 14 päiwa sissen maa saagi kahjus wälja. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                  Kohtowannemb, J Pihho

                  Kohtomees, Karel Kooskora  XXX

           abbi kohtomees, Michel Kurwitz  XXX

                         Kirjotaja, J. Käis

Jaan Kirristaja protokoll wälja saanu sel 17nel aprilil s.a.