Wanna Koiola koggokonna kohtun Wissen, sel 12nel aprilil 1876

Man olliwa kohtowannemb, Jaan Pihho

                    kohtomees, Peep Tobre

                    kohtomees, Karel Kooskora

Peep Kriiskütt Kährist kaibap Johann Haidak päle, et tem(m)a täl 8 päiwa kaiwo kaiwnu, 5 päiwa tarre man olnu, 1 päiw kattust katnu ja om(m)a naisega 2 päiwa rükka põimnu; nink 3 rbl. rahha wõtnu. Nõwwap eggast päiwast 50 kop ülle kige rahhaga kokko 12 rbl. tem(m)a käest kätte sada, sis om rahho." -

Johann Haidak wastutas:" Ülle kige om tem(m)a mul kül 8 päiwa olnu; ent ennämb mitte. Ent minna olle täl 2 1/2 päiwa kessa kündnu oma hobbese ja mehhega; nõwwa 5 rbl. Päle se olli hobbene äestada ja linno likko wia nõwwa 1 1/2 rbl. Minno maad olli täl 2 küllimütti alla linnan ja 2 röan nõwwa 20 rbl. Anni 29 haawa palki kambres tetta, nõwwa 7 rbl. 30 palki saije tem(m)a weel tõine kõrd nõwwa 10 rbl. 2 lehma käwwe kiik suwwi minno maa pääl karjan, ja ka 4 lam(m)ast ja

2 tsikka nõwwa 6 rbl. - Teep kokko 49 rbl. 50 kop. Nõwwan sedda kätte." -

Peep Kriiskütt wastutas selle päle: Se ei olle sugguge õige, mes tem(m)a ülles om andnu." -

Mul olli ka kats suwwe om(m)a hobbene täl allati töön." -

Moistetu: Et se wastastikko mõllembilt poolt mitto aiga taggasi om sündinu; nink ei woi üttegi arwo wõtta

Otsus: Sis omma mõllemba tõine tõisega tassa, mes kumb kum(m)agi käest omma saanu; nink ei pea üttegi nõudmist ennämb ollema neide asjo polest.

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                     Kohtowannemb J Pihho 

                     Kohtomees, Peep Tobre  

                     Kohtomees, Karel Kooskora  

                            Kirjotaja, J. Käis