Tüdruk Leno Kuiw kaibas et temmäl Mango Radika henda lihhalikkult om segganu nink temmal nüüd üts lats om sündinu, ja et Mango Raat temmale saija ja zukkert om toonu. 

Tunnistaja Kristin Leppik astus kohto ette nink andse tunnistust: "Mango Raat ostse mittu kõrd Annemõisa kõrtsist saija ja ka zukkert, kellele Mango saija ja zukkerd om andnu, sedda minna ei tija tunnistada."

Mango Raat astus kohto ette nink temmale om se Leno Kuiwa kaibus ette loetu; selle päle kostis Mango Raat: "Minnol ei olle Leno Kuiw'aka middaki teggemist olnu, nink Leno Kuiw nõuwab minno käest paljo masso, ent minna ei wõi temmale nida paljo massa kui temma tahhap."

Selle päle küssis koggokonna kohhus: "Leno Kuiw, kui paljo sinna nõuwat Mango Raati käest?" Leno küssis 20 Rubla. Sis küssis kohhus Mango Raati käest, "Mes sinna sis Lenole pakkute?"

"Ei middaki!" kostis Mango Raat; sis ütles koggokonna kohhus: "lubba ommeti weidiki massa." Mango Raat kostis selle päle: "Kui Leno 5 Rublaga rahhule om, sedda lubba minna temmale massa."

Otsus.

Mango Raat peab Leno Kuiwale 15 Rublat masma selle Leno latse ülleskaswatamisse tarbis; nida et Mango Raat massap 3 aasta sissen, egga aasta 5 Rublat sija koggokonna kohtu kätte ilma sundimata ärrä nink Leno Kuiw saap se rahha koggokonna kohtu käest.

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX