Wanna Koiola koggokonna kohtun Wissen, sel 12nel aprilil 1876.

Man olliwa kohtowannemb, Jaan Pihho

                    kohtomees, Karel Kooskora

             abbi kohtomees, Michel Kurwitz.

Ewa Pihho om(m)a eestsaisja poja Jaan Pihho´ga kaibap om(m)a wan(n)emba poja Michel Pihho päle, et Michel minkisuggust hoolt om(m)a 70 aastaliste wan-

nembide eest  ei kandwat, konna kül tem(m)a om(m)a wannembide maja hennele ütsinda om perrinu ja ka tõiste paika platz ostnu selle majast sada rahhaga. Nink wald ei tahtwad ka mona anda, kui pojal kats platzi käen, sis olla nätta et piddada nälga koolma. Noremb poig Jaan kes häddaline terwisse polest ja pea-

wad wäljan om(m)a leiwa pallakest teenma ei jõudwad ka neid ütsinda täita; sis nõuwap et Michel Pihho peap neid ausaste ülles piddama ja hoolt kandma kui wannemb poig, nikawwa, kui nem(m)a ellawa

Michel Pihho wastutas: Minna olle näile 3 wakka alla maad andnu, mes nem(m)a essi peawa arrima ja teggema nink toidust sest murrelema."

Jaan Pihho wastutas:"Näist ei olle üttegi töö teggijät ja henda toitjat 3 wakka alla luggan kassuwast maast; nink min(n)a ei jõwwa ka neid om(m)ast tenitust pal-

gast toita".

Moistetu: Et Michel Pihho essa maja ja maa om perrinu ütsinda, sis ei woi jo mitte 3 wakka alla maa, mes nem(m)a essi peawa arrima, konnagi purru wanno ja jõwwota wannembid toita ja ülles piddada.

Otsus: Sis peap Michel Pihho om(m)ele wannembile moon andma ja hääd hoolt kandma, nikawwa, kui nem(m)a ellawa

Nim(m)elt: 1, Prii korter ja selle egga päiwne kütminne ni paljo, kui tarbis lähhap

2, Ajastaja monas andma 2 1/2 tsetwerti rükki

                                             2 tsetwerti keswi

                                             5      "         kartohwlit

                                             2 puta soola

                                             1 tsetwerk uppe

                                             6 pangi kapstid 

                                             6 leisikat lihha

                                             2 leisikat heringit 

                                             5 naela tsea raswa

                                             4 pari tsooge ja 

suwwel peap 1 hää lüpswa lehm neile om(m)al poolt piddama, mes ka talwel wannembile ei puttu ülle piddada; nink rõiwast andma, kui peas allastus ehk mulk-

likkuid ja katskid rõiwid wan(n)emba kandma, ni häste willatse, kui ka linnatse rõiwa poolest ja ka üts tallitaja piddama, kui wanna em(m)a ei jowwa sööki tetta ja wan(n)aessa henda awwitada, ommalt poolt ja tallitajale ka palk masma, kui sedda peas nõutama; nink tallitaja ka ülles piddama. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                              Kohtowannemb, J Pihho

                              Kohtomees, Karel Kooskora  XXX

                      abbi kohtomees, Michel Kurwitz  XXX

                                      Kirjotaja, J. Käis

Jaan Pihho protokoll wälja sanu sel 17nel apr.