Wanna Koiola koggokonna kohtun Wissen, sel 12nel aprilil 1876.

Man olliwa kohtowannemb, Jaan Pihho

                    kohtomees, Karel Kooskora

             abbi kohtomees, Michel Kurwitz

Wisse Kolga perremehhe nim(m)elt: Michel Pik, Peter ja Andres Wissom kaibawa: Johann Kahha, Jaan Kooskora ja Michel Käis päle, et ne neide wastse krundi sisse tahtwa sitta-maa rügga- ja wastse-ma rügga olgi hennele tõwwus tetta, sel kewwajal, mes nem(m)a laske ei luppa. -

Johann Kahha, Jaan Kooskora ja Michel Käis wastutiwa:"Meije nõwwame om(m)a külla leppingu perra piddada, mes sel 19nel mail 1875 Nr 49 protokollin ülle-

wan saisap, mes tokõrd eggaüts omma lepnu ja om(m)a käega kinnitanu; nink ei tahha üts ponkt sest perra laske." -

Se lepping käüp seddawisi: Et eggaüts wõttap weel perra kõrd 1876 aasta sitta ma-rügga-olle, kui ka wastsema-rügga olle ehk keswa olle päält kats wilja; sis perrast jääp eggal üttel om(m)a wastne krunt täwwelt kätte. Sis ei anna se koggokonna kohhus üttegi otsust ülle leppingo; enge kes ülle astup ja tõise sitta-ma wastu leppingut ärra teep, mes lubbatu ei olle; selle käest saap willi ärra woetus; kui se peas kaibama, kellele se om tettu

                         Kohtowannemb, J Pihho

                         Kohtomees, Peep Tobre  XXX

                         Kohtomees, Karel Kooskora  XXX

                                   Kirjotaj, J. Käis

Michel Pik, Peter ja Andres Wissow ei luppa om(m)a leppingut pitta ja ei olle sega rahhu; mes üts kõrd om(m)a lepnu ja om(m)a käega kinnitanu nõudwa protokoll wälja, mes ka lubbati; kohtomeeste poolt.

Peter Wissow protokoll wälja saanu sel 14nel aprilil s.a.