Jaan Kiisk kaibas et Jaan Tuwwikenne sedda rahha mes koggokonna kohhus om mõistnu sel 16. Novbr. 1871 Protokoll No 103 - 1 Rubla wallu rahha temmale ärrä ei olle masnu.

Jaan Tuwikenne astus kohto ette nink temmale om se Jaan Kiisk kaibus ette loetu; selle päle kostis Jaan Tuwikenne: "Jaan Kiisk om minnol ütte wäike sae ärrä häwidanu, se saag massis minnol üts Rubla, selleperrast ei olle minna temma wallurahha mitte ärrä masnu. Kui Jaan Kiisk minno sae taggasi annab, sis massa minna ka temmale se ütte Rubla wallurahha ärrä."

Jaan Kiisk salgas ärrä et temma kunnagi Jaan Tuwwikesse käest ei olle saage wõtnu, ent se ei ollew õige mes Jaan Tuwwikenne temma päle tunnistas. 

Tunnistaja Peter Raggul astus kohto ette nink andse tunnistust: "Jaan Kiisk lõikas üts kõrd talwel sani-kõddare otse Jaan Tuwwikesse saega. Muud ei tija minna ennamb tunnistada."

Otsus. 

Peter Ragguli tunnistusse perra om Jaan Tuwwikesse saag Jaan Kiiska käen olnu Jaani kõddare otsade mahha lõigada. Kui Jaan Kiisk selle sae Jaan Tuwwikessele taggasi annab, saab Jaan Kiisk omma wallurahha 1 Rbl. Jaan Tuwwikesse käest kätte. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX