Wanna Koiola koggokonna kohtun Wissen, sel 11nel mail 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Peep Tobre

Jaan Käis kaibap, et Hindrek Taal lubbanu tälle tarre palgi om(m)ast mõtsast; ent ei olle andnu; nõwwap tarre assend ja palke, ehk 25 rbl rahha, sis om rahhu. -

Hindrek Taal wastutas:"Minna ei olle tälle lubbanu; ei anna tälle maad, tarre assend ja palke. Mul ei olle tem(m)aga middagi teggemist." -

Wöörmöndre Peter Lutzar ja kohtomees Peep Tobre anniwa üttewisi tunnistust:"Hindrek Taal lubbas nida kui leppingun saisap maad ni paljo kui pruuki jõwwap ja tarre asse,  nink tarre tälle perrises ent päiwi päle ma." -

Moistetu: Et Hibdrek Taal´il keeldo ei olle selle walla wallitsus, kui ka koggokonna kohto poolt, et es woi om(m)a maad Jaan Käis´le päiwi päle pruuki anda; enge sedda woise tem(m)a tetta. Ja se leppping katte ausa tunnistaja een om(m)a tennu, nida kui tunnistusses üllewel pool saisap, ka õige om. Sis es woi Hindrek Taal henda om(m)ast leppingust taggasi kisku, kui Jaan Käis om(m)a lepping tahhap eddesi pitta

Otsus: Hindrek Taal peap se lepping eddesi piddama; ehk kui sedda ei tahha; sis jäwa palgi siski Jaan Käis´le ja woip neid ärra widdada; ent maa ja tarre asseme lubbamisse eest massap Hindrek Taal 25 rbl. Jaan Käis´le pettuse ülle 14 päiwa sissen wälja.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                              Kohtowannemb, J Pihho

                              Kohtomees, Johann Keerd  XXX

                              Kohtomees, Peep Tobre  XXX

                                        Kirjotaja, J. Käis

Hindrek Taal ei olle selle otsussega sugguge rahhu, pallel protokoll wälja, mes kohhus ka lubbas.

Hindrek Thaal protokoll wälja saanu sel 17nel mail s.a.