Wanna Koiola koggokonna kohtun Wissen, sel 11nel mail 1876.

Man olliwa kohtowannemb Jaan Pihho

                    kohtomees, Joahann Keerd

                    kohtomees, Peep Tobre

Adam Jaanson Moisekatzist kaibap Jaan Hermitz päle, et tedda krawi mant tööst ärra ajanu ja töö saisma pandnu; nõwwap 12 rbl. om(m)a kahjo eest; sis om rahho. -

Jaan Hermitz wastutas:"Minna es lasse kluppetsat ärra täl lahku ja kraaw mulle ka middagi tarbis ei tulle; selleperrast es lasse kaiwa ja rahha minna ilma eest tälle ei massa." -

Moistetu: Kui Jaan Hermitz tem(m)a töö saisma pand; sis piddi Adam Jaanson warsti kohto sisse kaibama; nink kluppetsat ei tohhi Adam Jaanson konnagi mahha lahku, mes Kroonu poolt ilda aigo piri kin(n)itusses om pantu nink sädus kangest kelap, sis olli ka Jaan Hermitz´el lubba tedda keelda kurja teggemast

Otsus: Jääp Jaan Hermitz sest ilma asjanda kaibussest prii. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                     Kohtowan(n)emb, J Pihho

                      Kohtomees, Johann Keerd  XXX

                      Kohtomees, Peep Tobre  XXX

                              Kirjotaja, J. Käis 

Adam Jaanson protokoll wälja sanu sel 17nel mail  s.a.