Wanna Koiola koggokonna kohtun Wissen, sel 11nel mail 1876.

Man olliwa kohtowannemb, Jaan Pihho

                     kohtomees, Johann Keerd

                      kohtomees, Karel Kooskora

Kaddonu Jakobi poja Jaan ja Petre Kadde, nõudwa om(m)a essa perra jänu perrandust Michel Loks käest kätte sada; mes protokollin, sel 1 septembril 1858 om ülles kirjotedu. -Sääl saisap: Et poig Jaan kes 7 1/2 aastat wanna, saap 1 hobbene, 15 rubla wäärt 1 lam(ma)s 1 kassuk nink 1 särk. Neile pannep kohhus se aja per-

ra hind. - Arwata 18 aastat taggasi mas se lam(m)as 1 rbl, kask 5 rbl. ja 1 särk 3 rbl, mes ülle kige kokko teep 24 rbl.

Poig Peter 5 aastat wanna, saap 1 härg 12 rbl. wäärt, 1 lam(m)as 1 kask ja 1 särk selle sam(m)a hin(n)a arwo al; kokko 21 rbl. rahha perra.

Michel Loks wastutas:"Nem(m)a olliwa koggoni al ealisse, kui minno wallitsusse alla saiwa, nink minna piddi neid sures kaswatama ja koolitama; nink om(m)a rõiwa sälga andma kaskide kui särke polest, nink söök kõtto murretsema. Ent hääd ei olle neist mulle middagi olnu; ent kui sures olliwa kasunu; sis lätsiwa minno mant om(m)a teed ja jättiwa minno neide om(m)a wanna em(m)äga hoolmata mahha." -

Moistetu: Et Michel Loks neid om(m)a tenitu waiwaga om ülles kaswatanu; Jaani 17 aastalisses ja Peter 23 aastalisses, kui tem(m)a mant ärra lätsiwa.

Otsus: Sis perrip Jaan Kadde 12 rbl weel perra; sest et Michel Loks 12 rbl. ladikehe sisse om masnu, mes Jaanile jääp ja saap wälja antus. Ent se tõine een nim(m)itet 12 rbl. peap Michel Loks sel 1 dezembril s.a. Janile wälja masma; ent Petrele 21 rbl. selsam(m)al terminil. Ülle kige peap Michel Loks ülle katte per-

randaja kokko om(m)a käest masma 33 rbl. kui essa perrandust. -

Kohtokäüjile otsus ette loetu suremba kohto käümisse sädus § 772, 773 n. 774 perra kulutedu. -

                  Kohtowannemb, J Pihho

                  Kohtomees, Johann Keerd  XXX

                  Kohtomees, Karel Kooskora  XXX

                       Kirjotaja, J. Käis

Jaan Kadde protokoll wälja saanu sel 14nel mail sa.a