Wanna Koiola koggokonna kohtun Wissen, sel 21sel mail 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Peter Norring kaibap, et Jaan Juks tem(m)a kartohwli moho kaar sisse tennu; kohhe tõise lubbaga sit widdanu ja selle eest Jaanile 1 päiw sitta om(m)a hobbe-

sega weddanu ja Jaan täl ka se eest tetta lubbanu; nowwap maad taggasi. -

Jaan Juks wastutas:"Minna es luppa tälle tood maad; enge sedda maad kon täl tatrek olli, lubbasi." -

Peter Norrin wastutas: Egga minna tälle se eest konnagi päiwa sitta es olles widdanu"; ei mitte tem(m)a, enge Hindrek Hindreksoni mõts maa olli. " -

Moistetu: Et se awwali, et 1875 keaki sitta tõise wastse krundi päle es wea; ilma lubbata; sis om awwlik: et Jaan Juks essi lubbas; ei mitte tem(m)al lubbatu es olle, enge külla leppingut. Sis om Jaan Juks sellega suur süüdlane; et tem(m)a käest ütte wilga sagiga maa ärra wõt. -

Otsus: Massap Jaan Juks 4 rbl.Peter Norring hääs se maa arrimisse ja tõise wiljale sitta rammu eest; mes mes kartohwlidega häste olli waesel wälja arritu. 

Mastu peap sel 15nel nowembril s.a. ollema. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                        Kohtowannemb, J Pihho

                        Kohtomees, Johann Keerd  XXX

                        Kohtomees, Karel Kooskora  XXX

                              Kirjotaja, J. Käis

Protokoll ei olle Jaan Juks´le lubbatu, ent oppus leht täämba kätte antu. -