Wanna Koiola koggokonna kohtun Wissen, sel 21sel mail 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Jaan Järweots kaibap, et Johann Haidak tälle 7 wakka alla maad iggawes müünu 55 rbl. eest; selle päle 8 rbl kätte masnu ja mes perra jääp, massap 5 aasta sissen wälja. Ent nüüd ei olle maad andnu ja om(m)a leppingut piddanu. Nõwwap ni paljo rahha taggasi, kui maa eest leppit om; sis om rahho. -

Johann Haidak wastutas:"Olles tem(m)a mulle täüs rahha kätte masnu; sis olles ka tälle andnu ja lepping piddanu. Rublat 8 saije kül tem(m)a käest maa ette henda kätte." -

Jaan Järweots pand tunnistajas Peter Kadda ja Peter Loks et rahha piddi wie aasta sissen ärra mastu ollema. -

Peter Loks and tunnistust:"Jaan Järweots piddi pool rahha Talwiste pühhis Johann Haidak kätte masma; se olli neide lepping." -

Johann Haidak wastutas:"Kolm rublat anni minna tälle taggasi; ennämb ei olle minno käen nüüd, kui 5 rbl.

Moistetu: Et Johann Haidakul määrastige maa müümisse õigust enne Krono käest ärra ostmist ei olle  ja näüs; kui tõise petminne ja liiko nõudminne ollewat. 

Otsus: Massap Johann Haidak selle rahhale, mes parhella tem(m)a käen Jaan Järweots rahhast om pool kõrwale. Nim(m)elt kokko 10 rbl. Nink liiga kullus 1 rbl. ülle kige kokko 11 rbl. sel 1sel nowembril s.a. Jaan Järweots kätte, kui tem(m)a kahjo ja om(m)a rummalust wälja. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                      Kohtowannemb, J Pihho

                      Kohtomees, Johann Keerd  XXX

                      Kohtomees, Karel Kooskora  XXX

                            Kirjotaja, J. Käis