Wanna Koiola koggokonna kohtun Wissen, sel 21sel mail 1876

Man olliwa kohtowannemb, Jaan Pihho

                   kohtomees, Johann Keerd

                   kohtomees, Karel Kooskora

Soldat Peter Wanna kaibap, et tem(m)a welli Johann Wanna andnu tälle tarre asseme ja sinna ka maa aija maas kolm aastat taggasi, ent nüüd ärra wõtnu ja kaar sisse tennu; nõwwap om(m)ale 1 mõdo alla lubbatud maad taggasi; sis om rahho. -

Johann Wanna wastutas:"Minna olle tälle kül tarre asseme ja maa lubbanu, ent tem(m)a nakkas minno trotsma; selleperrast teije minna tem(m)ale lubbatu ma ärra.

Moistetu: Et soldat Peter Wanna om walla ja om(m)a welle eest ausaste Kronu teenu ja tem(m)ale essast perra jänu maja ütsinda jätnu; mes tem(m)a au tähhe risti rinna pääl ka näitawa ja nüüd tem(m)a welli om(m)a lubbamisse taggasi 1/8 dessati maad ärra wõtnu, mes jõlledus näitap ollewat, tühja trotsmisse perrast; nink es kaiba, kui welli ni rum(m)alaste tälle ehk üttel, kui tem(m)a om(m)a wõimoga kaar tõise tarre saina alla teggi. -

Otsus: Jääp se lubbat maa ja tarre asse Peter Wanna kätte, nikawwa, kui se maja sääl pääl saisap ja ei woi ka om(m)a lubbaga semend Johann Wanna taggasi nõuda; selle üllemeliko töö eest. Nink Peter Wanna massap egga aasta selle 1/8 dessatini maa eest 50 kop Johann Wannale, ni kawwa, kui tem(m)a sääl ellap.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                         Kohtowannemb, J Pihho

                         Kohtomees, Johann Keerd  XXX

                         Kohtomees, Karel Kooskora  XXX

                               Kirjotaja, J. Käis