Wanna Koiola koggokonna kohtun Wissen, sel 21sel mail 1876.

Man olliwa kohtowannemb Jaan Pihho

                    kohtomees, Johann Keerd

                    kohtomees, Karel Kooskora

/: Saije ette woetus, mes sel 11nel mail s.a. Nr 98. polele jäije:/ -

Et Josep Kolloweer täämba om tulnu, sis saap otsus ärra antus. -

Moistetu: Et üttegi täwweliku tunnistust ei olle, et nem(m)a tõine tõisega sõbrussen olles olnu; ent se ülle om tunnistus, et kattekeske tarre maggama jäiwa; sis woise ka ehk se assi sündita.

Otsus: Koggokonna kohto arwamisse perra, ei sa Marri Lauk enne üttegi latse kaswatamisse masmist, kui tem(m)a ehk suremba kohto arwamisse perra sedda wandega tõendap, et täl muide kellegi meestega sedda suggust teggemist ei olle olnu sel latse saamisse ajal; sis saap tem(m)a om(m)a latse kaswatamisses Josep Kolloweer käest egga aasta 10 rbl. küm(m)e aastat järgi möda. -

Kohtokäüjile otsus ette kulutedu, suremba kohtokäümisse sädus § 772, 773 n. 774 perra.

                         Kohtowannemb, J Pihho

                          Kohtomees, Johann Keerd  XXX

                          Kohtomees, Karel Kooskora  XXX

                                   Kirjotaja, J. Käis

Josep Kolloweer protokoll wälja sanu, sel 27tal mail s.a.