Wanna Koiola koggokonna kohtun Wissen, sel 21sel mail 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Peter ja Andres Wissow kaibawa ja nõudwa Johann Kahha ja Michel Käis käest neide sitta-maa rügga-olgi kätte, om(m)a wastse maa perra wiljas tetta; sis om(m)a rahho. -

Johann Kahha ja Michel Käis wastutiwa:"Nem(m)a ja meije, nink ka kiik külla olleme lepnu ja käega rist maa pruukmisse ülle tõm(m)anu, et sitta päält kats wilja, nink sedda olleme ka piddanu seni päiwani.

Moistetu: Et kiik suur külla om(m)a lepping maapruukmissen om(m)a täämbatse päiwani piddanu ja rahhul om(m)a, tööd tennü; sis peap ka Peter ja Andres Wisson sedda sam(m)a piddama; nink ei sa siist poolt lubbatus neile ülle astu. Se lepping käüp seddawisi: Et sel 1876 wõttap egga perremees weel üts tõug willi, kost röa sitta päält minnewa aasta om(m)a põimetu; nink mõtsa asseme päält ka kats wilja wanna krundi perra, n. sis jääp wastse peremehhe kätte. Nink sellega oma kiik rahho olnu ja om(m)a käega kinnitanu. -

Otsus: Sis peap Peter ja Andres Wisson se lepping piddama; nink woiwa ka om(m)a sitta ja mõtsa asseme päält kats wilja wõtta; mes nem(m)a ka mõllemba seni kewwäjani om(m)a piddanu; ent nüüd tahtwa ülle leppingo minna; mes kats aastat taggasi essi rahhulikkult om tennü kige külla perremeestega. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                        Kohtowannemb, J Pihho

                        Kohtomees, Johann Keerd  XXX

                        Kohtomees, Karel Kooskora  XXX

                            Kirjotaja, J. Käis

Andres Wisson protokoll wälja sanu sel 22 mail s.a.