Wanna Koiola koggokonna kohtun Wissen, sel 21sel mail 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Peep Tobre

Peter Haidak ja Johann Kriwa kaibsiwa, et Peter Peedzo ei lasse neide sitta maa rügga olgi tõwwus tetta; mes minnewa aasta henda waiel omma lepnu ja koggo-

konna kohto een sisse lasknu kirjotada. Ent selle päle läts kogg. kohtomees Karel Kooskora tedda keelma et tõise sitta maa rügga olgi ei tohhi tetta ja peap om(m)a teggema. Sis olla Peter Peedzo wasttanu: Kae, sago Peter Haidakust kähas nink minnust kohto wang Karel Kooskora kuulden, mes se üttel ka tõtte ollew. - Sepäle läts jälle kogg. kohtowannemb Jaan Pihho sinna, ja kulutas:"Et minnewa aasta ollet sinna rahhu olnu ja ei olle eddesi lännu; sis peat kaup teggema, nida kui sulle ette om kulutet. Sis üttelnu Peter Peedzo:"Kae, kui keak tulle, sis minna to tappa!" Ent siski and kohtowan(n)emb Peter Haidakule lubba sitta maad eddesi pruuki; mes ka Peter Haidak om tennü. Ja wallawannemb om ka sedda neile kigile septembri kuul ette kulutanu, et sitta ja mõtsa wahtse maa päält wõt-

tap egga üts kats wilja. 

Sepäle om(m)a tõise Kolga rahwas omma maad pruuknu ja arrinu. Ent kui ka Peter Haidak om(m)a maad kolmelt poolt kohto kulutsus perra nakkas külwma; sis lännu Peter ja Andres Peedzo sedda üttelust täütma, mes kohtomehhe Karel Kooskora ja kohtowan(n)emba Jaan Pihho wasta üttelnu; nink pesnuwa tedda

kattekeske rängaste. Nink selle eest nõwwap Peter Haidak 100 rbl.

Peter Peedzo wastutas:"Minna tedda pesnu ei olle; enge nuia wõtti kül käest ärra." -

Peter Haidak wastutas:"Nemma naksiwa minno kattekeske, kui lindo nurme pitti takkan ajama, selle perrast wõtti hitskme nuia kätte ja paggesi rattile." -

Michel Peedzo and tunnistust:"Peter Haidak külw kara sis lätsiwa Peter ja Andres Peedzo wäggise tem(m)a päle ja kissiwa nuia tem(m)a käest ärra ja leiwa tem(m)a mahha, nink kui Peter Haidak tännitama nakkas, sis tulliwa kiik rahwast küllast wälja kaema. Nink takkan aien wissas Peter Peedzo rõiwa sällast, et järgi saas ja rübbelemisse pääl läts ka Andres Peedzol küppar pääst mahha." -

Ent wiimselt om ka Peter Peedzo neid sõnno selle kogg. kohto een üttelnu; mes tem(m)a kohtomehhe Karel Kooskora wasta henda ja Peter Haidakuga lubbanu tetta. -

Moistetu: Et Peter Peedzo sedda lubbas kohto meeste kuulden Peter Hidakule tettu ja wist ka tettus olles sanu, kui Michel Peedzo es olles to kõrd sääl man olnu. Et se selge et tedda kattekeske nurme pitte takkan wirrotiwa hitskme nuia käest kissiwa ja mahha leiwa; sis woisewa  pessa ni paljo kui arwasiwa; sest et kiik külla pessetawa häle päle wälja tulli. -

Otsus: Massap Peter Peedzo Peter Haidakule wallo rahha 15 rbl. ja selle hullu röwimisse eest 6 rbl. selle walla waeste ladike hääs 4 näddali sissen wälja. Ent Andres Pedzo, kes kohto ette ei olle tulnu; saap tullewa kohto päiw om(m)a otsus antus ja ette kulutedus. Nink Peter Peedzole ja Peter Haidakule om suremba kohto käümisse sädus perra täämba otsus ette kulutedu nink oppus leht mõllembile kätte antu; ja protokoll lubbatu. -

                        Kohtowannemb, J Pihho

                        Kohtomees, Peep Tobre  XXX

                        Kohtomees, Johann Keerd  XXX

                                Kirjotaja, J. Käis

Peter Peedzo kui ka Peter Haidak ei olle selle otsussega rahho pallel protokoll wälja, mes ka kohhus lubbas.

Peter Peedzo protokoll wälja sanu sel 26tal mail s.a.

Peter Haidak      "             "          "      "      "        "      "