Wanna Koiola koggokonna kohtun Wissen, sel 21sel mail 1976.

Man olliwa kohtomees, Peep Tobre

                    kohtomees, Johann Keerd

                    kohtomees, Karel Kooskora

Ahja wallast Hindrek Sikkut kaibap, et tem(m)a 5 koormat haino Johann Black le andnu, mes tem(m)a sullase winu ja ülle neide haino olla tem(m)a käest sada rahha perra 16 rbl.; ent saamata ja nõwwap kätte.

Johann Black wastutas: Se kaibus om õige, et mul ni paljo haino eest massa; ent selle perrast ei massa, et tem(m)a olli käemees; kui 1868 aastal Wenne maal käwweme neide wallameestega, lubbasiwa mulle selle eest massa; ent nüüd samata. -

Hindrek Sikkut wastutas:"Black om 10 rbl. selle käimisse eest ärra saanu ja käemehhes minna tälle es heida." -

Joh. Black kostse:"Sinna woiset, ei mälleta, kül wist käemees olla ja Moisekatzi walla, kui ka moisa wallitsus lubbas, mul neidega Wennemaale minna." -

Moistetu: Et se awwalik mõllembide wälja üttelus perra, et Johan Black haino saanu ja rahha masmata; ent se om ka awwalik, et Wennemaal om(m)a käünu ent se teedma, mes leppit om olnu

Otsus: Peap Johann Black neide haino eest 16 rbl. 14 päiwa sissen Hindrek Sikkut hääs wälja masma; ent Wennemaal käüminne ei puttu selle kohto sisse; woip Johann Black kui arwap sedda kottusse koggokon(n)a kohto sisse kaiwata kelle alla se Wennemaal käümisse assi puttup.

 Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                      Kohtomees, Peep Tobre  XXX

                      Kohtomees, Johann Keerd  XXX

                      Kohtomees, Karel Kooskora  XXX

                                  Kirjotaja, J. Käis