Johann Pola astus kohto ette nink kaibas wallawannemb Johann Zimmeri päle: "Minna kaibassi koggokonna kohto een sisse sedda Katripäiwa õddakul Waltina kõrtsin minno naise teotamist, nink kui minna kohto een neid sõnnu ütlesi, et Johann Zimmer om minno naist teotanu, sis kostis Johann Zimmer: "Kae Johann Pola, selle sõnna päle panne minna sinno kinni (wangi)." Neid Johann Zimmeri sõnnu kuuldsewa kik koggokonna kohtomehhe. Kui minno kaibus kohto een olli wasta wõetu, sis käskse Johann Zimmer minno kohto tarrest wälja eddetarre, sääl käskse Johann Zimmer rahwal minno wangi tarre kinni panda, minna pallesi Johann Zimmerit et minnol üttegi süüdi es olle, kelleperrast minna wangi piddi pantus saama, ja pallesi ka weel, et minno naine olli sel kõrral haige nink minno maja piddaminne ja weskiwwi perra kaeminne minno ainulikult koddo tarwitas. Minna lubbasi tõine kõrd, kui minno maja tallitus saab lubbama, sedda trahwi katte wõrd aiga wangin ärrä istuda. Minno paljo andis pallelminne ei ka minno maja tallitusse asjate perrast palwet es wõtta Johann Zimmer kuulda, enge kaskse rahwal minno wäggisi wangitarre wija; minna piddasi kanga telletest kowwaste kinni, 3 ehk 4 innimest tahtsewa minno tellete küllest wallale kisku nink wangi panda. Wimate jättiwa rahwas minno rahhule nink Johann Zimmer käskse minnol 1 Rubla trahwi massa waeste ladiku. 

Minna masse ka se mõistetu trahwi ärrä. Minnol olli selle hulga rahwale kange wasta pannemisse perrast wigga sanu, nida et minna mittu päiwa sängin haige olle olnu."

Päkohtomees Märt Lüüs XXX

Kohtomees (Jaan Reiljan) XXX

  "  Sahkri Pik XXX

  "  Ado Puusep XXX

  "  Karl Wallner XXX