Rein Sarw, Karrola wallast, astus kohto ette nink kaibas: "Minnewa aasta om minnol 2 näddalat enne Krawi laate kats mehhitse puud ärrä röwitu (kistu), kummagi puu sissen olli hä kõwwa mehhine, neide mõllemba mehhitse puude sissest om messi ja wahha kiki mehhistega ärrä warrastedu, nida et minnole ütsinda ne kats tühja mehhitse puud aida perra om jättetu. Nüüd katte näddala eest olle minna Dawit Wallneri käest teeda sanu, et sel minnewal süggisel om Karl Treumuthi aida põrmandu pääl mehhitse kõndnu, sedda om Peter Mändik Dawit Wallnerile kõnnelnu."
Karl Treumuth astus kohto ette nink temmale om se Rein Sarwe kaibus ette loetu; sellepäle kostis Karl Treumuth: "Minna ei tija Rein Sarwe mehhitse wargussest middaki, minna olle selle mehhitse wargusse perrast ilma süüda, minno kiusatas kurjest innimestest. Se om kül õige, et Peter Mändik ja Dawit Wallner minno Aidan omma käunu, kui minno jalg haige olli. Minna ei tija mes nemma minno aidan omma nännu, sedda peawa nemma ka tõttes teggema."
Tunnistaja Dawit Wallner astus kohto ette nink temma käest om küssitu, mes temma selle Rein Sarwe mehhiste ärrä röwimissest tijap tõtteka tunnistust anda; selle päle andse Dawit Wallner nidate tunnistust: "Minnewal süggisel kui röa külwi aig olli, lätsi minna Karl Treumuthi aita, kon Karl Treumuth sängin haige olli, nink kõnnelesi Karlika röa külwimisse perrast. Kui minna aidast nakkasi wälja tullema, sis näggi minna et aida põrmandult sääl mehhitse kõndsewa. Kui minna sel sammal päiwal õddakult nurmest koddo tulli nink hobbese koplide wei, kon Peter Mändik ka hobbesega olli, sääl kõnneles Peter minnole: "Kas sinna Dawit ka panni tähhele mes Karl Treumuthi aidan põrmandu pääl olli; meije perremehhel om suur õnnetus juhtunu nink nüüd om mehhel jalg haige. Kui minna Karl Treumuthi aidan käwwe, sis näggi minna et mehhilesse aida põrmandu pääl ümbre kõndsewa, minna küssisi Karl Treumuthi käest: "Mes ne omma, mes siin põrmandu pääl ümbre kõndwa?" Sellepäle kostis Karl Treumuth: "Olle waik, kül sinna saate teeda mes ne ellaja omma."
Muud ei tija minna middake ennamb tunnistada."
Tunnistaja Peter Mändik astus kohto ette nink andse nidate tunnistust: "Minna ei tija sellest mehhitse wargussest middake, minna ei olle Dawit Wallnerile, ei ka muide innimestele sellest mehhitse asjast middake kõnnelnu. Dawit Wallner kiusas minno ilma süüda."
Tunnistaja Ado Puusep astus kohto ette nink andse nidate tunnistust: "Peter Treumuth kõnneli minnole, et Wäntre sepp Karl Malleus om temmale nida kõnnelnu: "Wenne koolmeister Karl Wallner ja Karl Treumuth omma Karrola kohtomehhe mehhitse ärrä kisknu."
Muud ei tija minna middake ennamb tunnistada."
Tunnistaja Peter Treumuth astus kohto ette nink andse tunnistus: "Wentre sepp Karl Malleus kõnneli minnole Wentre seppikoan, et se Karrola kohtomehhe mehhitse wargus peab awwalikkus tullema, Puusmõtza mehhe sawa wistist süüdlasse ollema, sest Karrola kohtomees Rein Sarw om Dawit Wallneri Tilsu tallo kustnu.
Muud ei tija minna middake ennamb tunnistada."
Tunnistaja Katta Wallner astus kohto ette nink andse tunnistust: "Ann Mändik, Petre tüttär, kõnneles minnole: "Katte annomaga toodi Tilsu Reino mehhitse messi Puusmõtza tallo nink sullatadi sääl se messi ärrä ja jaotedi ütte pottiga katte jaggo (ärrä), üts jaggo sai Karl Treumuthile, nink tõine jaggo sai wenne koolmeister Karl Wallner."
Tõine kõrd kõnneli Ann Mändik ja Ewa Treumuth minnole: "Meije teedseme jo ammu sellest mehhitse wargussest, enge meije ollime waik nink es kõnnele üttegi innemessele." Minno mees Dawit Wallner konneles minnole, et kui temma Karl Treumuthi aidan om käünu, sis omma sääl mehhitse ümbre kõndnuwa. Kolmat kõrda kõnneles Peter Mändik minnole nurme pääl, kui meije wilja koormat päle pannime: "Kae Katta, ne mehhe sõiwa Tilsu Rein Sarwe mee ärrä, nink meil ei olle middaki haiget sanu, muid innimessi waiwatas selle mee wargusse perrast ilma süüda."
Muud ei tija minna middake ennamb tunnistada."
Tunnistaja Karl Wallner astus kohto ette nink andse tunnistust: "Minna ei tija sellest mehhitse kiskmissest middake; ütskõrd kui minna kerkust tulli, kõnneli Tilsu Rein Sarw minnole, et temmal om kats mehhist ärrä röwit.
Muud ei tija minna middake ennamb tunnistada."
Tunnistaja Ann Mändik astus kohto ette nink andse tunnistust: "Sokka Johann ja Karli kõnneliwa meije tarren, et Tilsu Rein Sarwe mehhitse omma ärrä röwitu, sedda kuuldsewa kik rahwas kes meije tarren olliwa."
se päle küssis koggokonna kohhus Ann Mändike käest: "Kes ne rahwas sääl tarren olliwa, anna neide nimme ülles?" Selle päle jäi Ann Mändik waiki nink es anna üttegi kostust kohto küssimisse päle.
Tunnistaja Ewa Treumuth astus kohto ette nink andse tunnistust: "Karl Treumuth kõnneli ütskõrd nink üttel, et meije maja saapa sawa ärrä mõetetus, Tilsu Rein Sarw arwab et meije olleme temma mehhitse ärrä röwinu.
Muud ei tija minna middake ennamb tunnistada."
Tunnistaja Andrus Treumuth astus kohto ette nink andse tunnistust: "Juk Joab kõnneli Jürri Joabile nink minnole, et Peter Mändik om temmale kõnnelnu, et, Puusmõtza Karl Treumuthi aida põrmandu pääl omma mehhitse ümbre kõndnuwa, nink Karl Treumuth om Peter Mändikel käsknu neid aida põrmandu pääl ümbre kõndjid mehhilessi jallaka katski sõkkuta nink aidast ärrä wälja pühki. Tõine kõrd kõnneli Peter Mändik essi Waltina kõrtsin Kasper Wallnerile, Tõnnis Soowale nink minnole: "Kui kohtomehhe Puusmõtza tallon käwwe Tilsu Rein Sarwe mehhitse wargust perran otsman, sis olli sel ajal se warrastedu messi katte annomaga nurme pääl keswa rõuku sisse ärrä mattetu."
Muud ei tija mninna middake ennamb tunnistada."
Tunnistaja Johann Joab astus kohto ette nink andse tunnistust: "Dawit Wallner käskse minno, et minna pea Karl Wallneri alla meije tarre manno kutsma; minna lätsi jalla päält mäele ja kutse Karl Wallneri alla. Dawit Wallner küssis koolmeister Karl Wallneri käest: "Kule Karli, kui sinna selle Tilsu Rein Sarwe mehhitse wargussest middake tijate, tunnista sinna minnole ärrä, kui sinna ka selle wargusse abbimees ollet olnu, sis ehk wõime weel sedda asja parrantada, sest nüüd om weel aiga sedda asja parrantada; wimate kui sinno assi halwaste lät nink süüdlasses jääte, sis ärrä arwa et se muide süü läbbi om sinnole tulnu."
Muud ei tija minna middake ennamb tunnistada."
Tunnistaja Jürri Joab astus kohto ette nink andse tunnistust: "Minna ei tija selle Tilsu Rein Sarwe mehhitse wargussest middaki, nink ei tija ka üttegi tunnistust anda."
Tunnistaja soldat Juk Joab astus kohto ette nink andse tunnistust: "Minna ei olle kuuldnu nink ei tija ka middagi selle Tilsu Rein Sarwe mehhitse wargusse ülle üttegi tunnistust anda."
Tunnistaja Kasper Wallner astus kohto ette nink andse tunnistust: "Peter Mändik ja Andrus Treumuth tüllitsesi tõine tõisega, sis üttel Peter Mändik Andrus Treumuthile: "Kule Andrus, Dawit Wallner om sedda warrastedu mett ennamb ärrä söönu kui minna omma elloaig mett olle nännu."
Muud ei tija minna middake ennamb tunnistada."
Otsus.
Et üttegi selget tunnistust ei olle, et Karl Treumuth Tilsu Rein Sarwe mehhitse om ärrä röwinu, enge et Dawit Wallner ütsinda om nännu, et Karl Treumuthi aida põrmandu pääl mehhitse omma kõndnu, ja tõine tunnistaja Peter Mändik, kes ka om mehhilessi nännu Karl Treumuthi aida põrmandu pääl kõndwat, salgas siin kohto een koggonist ärrä, et temma ei olle Karli aidan mehhilessi nännu, ja ei olle ka sellest üttegi innimessele middake kõnnelnu, ei olle se koggokonna kohhos wõinu Karl Treumuthi päle üttegi trahwi panda.
Se koggokonna kohhus käskse, et Rein Sarw ja Karl Treumuth kokko leppisi, ent neide henda wahhel es sa leppingut. Rein Sarw tahhab surembat kohhut pallelda, sedda kohto asja selletada laska.
Neile kohton käujatele omma ka ne L. T. S. § 772 ja 773 aastast 1860 ette kuulutedu. Rein Sarwele om ka se sädusse perra Appellation täht sel 19. Aprillil wälja Antu.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
am 31. mai
Rein Sarw, Karrola wallast, astus kohto ette nink kaibas: "Minnewa aasta om minnol 2 näddalat enne Krawi laate kats mehhitse puud ärrä röwitu (kistu), kummagi puu sissen olli hä kõwwa mehhine, neide mõllemba mehhitse puude sissest om messi ja wahha kiki mehhistega ärrä warrastedu, nida et minnole ütsinda ne kats tühja mehhitse puud aida perra om jättetu. Nüüd katte näddala eest olle minna Dawit Wallneri käest teeda sanu, et sel minnewal süggisel om Karl Treumuthi aida põrmandu pääl mehhitse kõndnu, sedda om Peter Mändik Dawit Wallnerile kõnnelnu."
Karl Treumuth astus kohto ette nink temmale om se Rein Sarwe kaibus ette loetu; sellepäle kostis Karl Treumuth: "Minna ei tija Rein Sarwe mehhitse wargussest middaki, minna olle selle mehhitse wargusse perrast ilma süüda, minno kiusatas kurjest innimestest. Se om kül õige, et Peter Mändik ja Dawit Wallner minno Aidan omma käunu, kui minno jalg haige olli. Minna ei tija mes nemma minno aidan omma nännu, sedda peawa nemma ka tõttes teggema."
Tunnistaja Dawit Wallner astus kohto ette nink temma käest om küssitu, mes temma selle Rein Sarwe mehhiste ärrä röwimissest tijap tõtteka tunnistust anda; selle päle andse Dawit Wallner nidate tunnistust: "Minnewal süggisel kui röa külwi aig olli, lätsi minna Karl Treumuthi aita, kon Karl Treumuth sängin haige olli, nink kõnnelesi Karlika röa külwimisse perrast. Kui minna aidast nakkasi wälja tullema, sis näggi minna et aida põrmandult sääl mehhitse kõndsewa. Kui minna sel sammal päiwal õddakult nurmest koddo tulli nink hobbese koplide wei, kon Peter Mändik ka hobbesega olli, sääl kõnneles Peter minnole: "Kas sinna Dawit ka panni tähhele mes Karl Treumuthi aidan põrmandu pääl olli; meije perremehhel om suur õnnetus juhtunu nink nüüd om mehhel jalg haige. Kui minna Karl Treumuthi aidan käwwe, sis näggi minna et mehhilesse aida põrmandu pääl ümbre kõndsewa, minna küssisi Karl Treumuthi käest: "Mes ne omma, mes siin põrmandu pääl ümbre kõndwa?" Sellepäle kostis Karl Treumuth: "Olle waik, kül sinna saate teeda mes ne ellaja omma."
Muud ei tija minna middake ennamb tunnistada."
Tunnistaja Peter Mändik astus kohto ette nink andse nidate tunnistust: "Minna ei tija sellest mehhitse wargussest middake, minna ei olle Dawit Wallnerile, ei ka muide innimestele sellest mehhitse asjast middake kõnnelnu. Dawit Wallner kiusas minno ilma süüda."
Tunnistaja Ado Puusep astus kohto ette nink andse nidate tunnistust: "Peter Treumuth kõnneli minnole, et Wäntre sepp Karl Malleus om temmale nida kõnnelnu: "Wenne koolmeister Karl Wallner ja Karl Treumuth omma Karrola kohtomehhe mehhitse ärrä kisknu."
Muud ei tija minna middake ennamb tunnistada."
Tunnistaja Peter Treumuth astus kohto ette nink andse tunnistus: "Wentre sepp Karl Malleus kõnneli minnole Wentre seppikoan, et se Karrola kohtomehhe mehhitse wargus peab awwalikkus tullema, Puusmõtza mehhe sawa wistist süüdlasse ollema, sest Karrola kohtomees Rein Sarw om Dawit Wallneri Tilsu tallo kustnu.
Muud ei tija minna middake ennamb tunnistada."
Tunnistaja Katta Wallner astus kohto ette nink andse tunnistust: "Ann Mändik, Petre tüttär, kõnneles minnole: "Katte annomaga toodi Tilsu Reino mehhitse messi Puusmõtza tallo nink sullatadi sääl se messi ärrä ja jaotedi ütte pottiga katte jaggo (ärrä), üts jaggo sai Karl Treumuthile, nink tõine jaggo sai wenne koolmeister Karl Wallner."
Tõine kõrd kõnneli Ann Mändik ja Ewa Treumuth minnole: "Meije teedseme jo ammu sellest mehhitse wargussest, enge meije ollime waik nink es kõnnele üttegi innemessele." Minno mees Dawit Wallner konneles minnole, et kui temma Karl Treumuthi aidan om käünu, sis omma sääl mehhitse ümbre kõndnuwa. Kolmat kõrda kõnneles Peter Mändik minnole nurme pääl, kui meije wilja koormat päle pannime: "Kae Katta, ne mehhe sõiwa Tilsu Rein Sarwe mee ärrä, nink meil ei olle middaki haiget sanu, muid innimessi waiwatas selle mee wargusse perrast ilma süüda."
Muud ei tija minna middake ennamb tunnistada."
Tunnistaja Karl Wallner astus kohto ette nink andse tunnistust: "Minna ei tija sellest mehhitse kiskmissest middake; ütskõrd kui minna kerkust tulli, kõnneli Tilsu Rein Sarw minnole, et temmal om kats mehhist ärrä röwit.
Muud ei tija minna middake ennamb tunnistada."
Tunnistaja Ann Mändik astus kohto ette nink andse tunnistust: "Sokka Johann ja Karli kõnneliwa meije tarren, et Tilsu Rein Sarwe mehhitse omma ärrä röwitu, sedda kuuldsewa kik rahwas kes meije tarren olliwa."
se päle küssis koggokonna kohhus Ann Mändike käest: "Kes ne rahwas sääl tarren olliwa, anna neide nimme ülles?" Selle päle jäi Ann Mändik waiki nink es anna üttegi kostust kohto küssimisse päle.
Tunnistaja Ewa Treumuth astus kohto ette nink andse tunnistust: "Karl Treumuth kõnneli ütskõrd nink üttel, et meije maja saapa sawa ärrä mõetetus, Tilsu Rein Sarw arwab et meije olleme temma mehhitse ärrä röwinu.
Muud ei tija minna middake ennamb tunnistada."
Tunnistaja Andrus Treumuth astus kohto ette nink andse tunnistust: "Juk Joab kõnneli Jürri Joabile nink minnole, et Peter Mändik om temmale kõnnelnu, et, Puusmõtza Karl Treumuthi aida põrmandu pääl omma mehhitse ümbre kõndnuwa, nink Karl Treumuth om Peter Mändikel käsknu neid aida põrmandu pääl ümbre kõndjid mehhilessi jallaka katski sõkkuta nink aidast ärrä wälja pühki. Tõine kõrd kõnneli Peter Mändik essi Waltina kõrtsin Kasper Wallnerile, Tõnnis Soowale nink minnole: "Kui kohtomehhe Puusmõtza tallon käwwe Tilsu Rein Sarwe mehhitse wargust perran otsman, sis olli sel ajal se warrastedu messi katte annomaga nurme pääl keswa rõuku sisse ärrä mattetu."
Muud ei tija mninna middake ennamb tunnistada."
Tunnistaja Johann Joab astus kohto ette nink andse tunnistust: "Dawit Wallner käskse minno, et minna pea Karl Wallneri alla meije tarre manno kutsma; minna lätsi jalla päält mäele ja kutse Karl Wallneri alla. Dawit Wallner küssis koolmeister Karl Wallneri käest: "Kule Karli, kui sinna selle Tilsu Rein Sarwe mehhitse wargussest middake tijate, tunnista sinna minnole ärrä, kui sinna ka selle wargusse abbimees ollet olnu, sis ehk wõime weel sedda asja parrantada, sest nüüd om weel aiga sedda asja parrantada; wimate kui sinno assi halwaste lät nink süüdlasses jääte, sis ärrä arwa et se muide süü läbbi om sinnole tulnu."
Muud ei tija minna middake ennamb tunnistada."
Tunnistaja Jürri Joab astus kohto ette nink andse tunnistust: "Minna ei tija selle Tilsu Rein Sarwe mehhitse wargussest middaki, nink ei tija ka üttegi tunnistust anda."
Tunnistaja soldat Juk Joab astus kohto ette nink andse tunnistust: "Minna ei olle kuuldnu nink ei tija ka middagi selle Tilsu Rein Sarwe mehhitse wargusse ülle üttegi tunnistust anda."
Tunnistaja Kasper Wallner astus kohto ette nink andse tunnistust: "Peter Mändik ja Andrus Treumuth tüllitsesi tõine tõisega, sis üttel Peter Mändik Andrus Treumuthile: "Kule Andrus, Dawit Wallner om sedda warrastedu mett ennamb ärrä söönu kui minna omma elloaig mett olle nännu."
Muud ei tija minna middake ennamb tunnistada."
Otsus.
Et üttegi selget tunnistust ei olle, et Karl Treumuth Tilsu Rein Sarwe mehhitse om ärrä röwinu, enge et Dawit Wallner ütsinda om nännu, et Karl Treumuthi aida põrmandu pääl mehhitse omma kõndnu, ja tõine tunnistaja Peter Mändik, kes ka om mehhilessi nännu Karl Treumuthi aida põrmandu pääl kõndwat, salgas siin kohto een koggonist ärrä, et temma ei olle Karli aidan mehhilessi nännu, ja ei olle ka sellest üttegi innimessele middake kõnnelnu, ei olle se koggokonna kohhos wõinu Karl Treumuthi päle üttegi trahwi panda.
Se koggokonna kohhus käskse, et Rein Sarw ja Karl Treumuth kokko leppisi, ent neide henda wahhel es sa leppingut. Rein Sarw tahhab surembat kohhut pallelda, sedda kohto asja selletada laska.
Neile kohton käujatele omma ka ne L. T. S. § 772 ja 773 aastast 1860 ette kuulutedu. Rein Sarwele om ka se sädusse perra Appellation täht sel 19. Aprillil wälja Antu.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
am 31. mai
