Tidrik Wallner kaibas koolmeister Märt Kraawi päle, et Märt temma palka manno leppitu pärahha ärrä ei massa, nink andse tunnistajis ülles: Mai Rimm ja Sohwi Lamann.

Märt Kraaw astus kohto ette nink temmale om se Tidrik Wallneri ja Isak Lappi kaibus ette loetu. Selle päle kostis Märt Kraaw: "Minna olle Tidrik Wallnerile ja ka Isak Lappile selle walla pruuki perra koddapolitse palka lubbanu 1 wakka alla röa maad, 1 wakka alla suwwewilja maad ja ka kapsta nink kartohwli maad nida paljo kui kik walla perremehhe ommale koddapolistele annawa, ent pärahha ei olle minna kummalegi lubbanu massa."

Tunnistaja Mai Rimm andse tunnistust: Märt Kraaw lubbas Isak Lappile sedda samma koddapolitse palka mes kik walla koddapolitse saawa, ennegi sis kui Isak Lapp egga ööd hobbestega eitsin käüp; kui Isak eitsi ei lähha saab temma wähhemb maad hendale palkas. Ent päärahha massust es olle Tidrik Wallneril ei ka Lappil üttegi kõnnet ehk leppingut. 

Muud ei tija minna middake ennamb tunnistada."

Tunnistaja Sohwi Lamann tunnistas nida sammute kui Mai Rimm om tunnistanu sõnna sõnnani. 

Otsus.

Tidrik Wallneri ja Isak Lappi kaibus om selle tühjas arwatu, et neidel selle pärahha massu leppingu man üttegi tunnistajat ei olle olnu. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX