Wanna Koiola koggokonna kohtun Wissen, sel 18nel oktobril 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Josep Jäger kaibap, et Põlwa köstre Otto Mattisson tem(m)a wastse krundi sisse; kon enne mõts pääl olnu, 12 wakka maa rükka tennu; nõwwap om(m)a maa tag-

gasi; sis om rahho.

Köstre Otto Mattisson wastutas:"Minna pakki kewwaja s.a. tälle se kottus 12 rbl. eest taggasi; lepmisse wiisi; ent temma sedda massa es tahha; sis teije hendale põllus; nida kui külla lepping kässep; mes ka tem(m)a ja minna om(m)a käega olleme kinnitanu." -

Josep Jäger wastutas:"Leppingo perra es woi jo söötu tetta, kos wõsso pääl olli." -

Köstre O. Mattisson wastutas:"Minna ei olle söötu tennu; enge mõtsa allust; nink Josep Jäger teggi sedda sam(m)a wiisi minno wõsso allutsega; mes mitte es pea teggema ja minna siski tem(m)a päle ei olle kaiwanu ja olle paljo kahjo selle kruntmissega hennele sanu; ent siski pea rahhu ollema." -

Moistetu: Et sedda asja kuigi modo muuta ei sa, sest et leppingo perra tettu om, nink Josep Jäger woise ka tetta; mes ka tem(m)ast nipaljo kui täl olli, tettus om saanu.

Otsus: Sis perrip köstre O. Mattisson ja nisam(m)a ka Josep Jäger külla leppingo perra, mes sel 26 mail 1875 Nr 56 saisap ja mes Josep Jäger tolsam(m)al päiwal ja köstre O. Mattisson paar päiwi perrast om om(m)a käega kinnitanu; sest et sedda hääs arwasiwa; mes külla lepping sel 19 mail Nr 49 punkt 4 näitap. Sis wõttap O. Mattisson 1877 aastal rügga ja 1878 aastal weel tõug, mes essi him(m)utsep; nink sis jääp Josep Jäger hääs se kottus weel tullolikkult iggawes pruuki. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                         Kohtowannemb, J Pihho

                          Kohtomees, Johann Keerd  XXX

                          Kohtomees, Karel Kooskora  XXX

                                    Kirjotaja, J. Käis

Josep Jäger ei olle selle otsussega rahho pallel surembahe kohtuhe eddesi minnekid; mes ka kohhus tälle lubbas ja oppusleht kätte antu. -