Soldat Jürri Klaassep, Sangastest, kaibas et temmal om 5 Rbl. rahha ärrä warrastedu. "Minna olli joobunu nink ei mälleta, kunnas minnol se rahha om ärrä warrastedu -- Johann Hommuk ollewat minno rahha ärrä warrastanu."

Johann Hommuk astus kohto ette nink temmale om se Jürri Klaassepa kaibus ette loetu. Selle päle kostis Johann Hommuk: "Minna ei tija sellest Jürri Klaassepa rahhast middake, muud kui Jürri Klaassep küssis minno käest: "Kas sinna es näe, kes minno rahha om ärrä warrastanu?" Minna ütli temmale: "Minna es näe sinno rahha, ja ei tija ka, kes sinno rahha om ärrä warrastanu."

Tunnistaja Peter Pull andse tunnistust: "Minna ei olle Jürri Klaassepa rahha nännu, ja ei tija ka kes temma rahha om ärrä warrastanu. Muud ei tija minna ka middake tunnistada."

Tunnistaja Sohwi Allam tunnistas nida sammute kui Peter Pull om tunnistanu. 

Tunnistaja Peter Daniel tunnistas nida sammute kui Peter Pull om tunnistanu. 

Otsus.

Et üttegi tunnistust ei olle, kelle läbbi se rahha wargus olles wõinu tõttes sada, peab Jürri Klaassep omma kaibust taggasi wõtma. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX