Sohwi Sissas kaibas et Rein Nadel temmaga om lihhalikkult porto ello ellanu, nink nüüd katsiku latse omma ilmale sündinu, ja tahhab nüüd et Rein Nadel peab neide laste ülleskaswatamisse eest hoolt kandma nink temmale üllespiddamist andma. 

Rein Nadel astus kohto ette nink temmale om se Sohwi Sissase kaibus ette loetu; selle päle kostis Rein Nadel: "Minna ei olle kunnagi Sohwi Sissas'eka porto ello ellanu, minna olle selle man ilm süüda; ent se om kül õige et minna 5 Rubla lubbasi Sohwi Sissasele massa kui temma minno rahhule jättab nink kohto ette ei kutsu."

Otsus.

Et Rein Nadel 5 Rubla Sohwi Sissasele om lubbanu massa, sis om Rein Nadel kohto arwamisse perra neide laste essa;

Rein Nadel peab neide laste ülleskaswatamisse eest 8 aastat hoolt kandma, eddimetse aasta eest massab Rein Nadel 6 Rbl., tõise aasta eest jälle 6 Rubla nink 3, 4, 5, 6, 7 ja 8ma aasta sisse egga aasta 5 Rubla, teeb üttekokko 42 Rubla. 

Se kohtomõistmisse otsus om neile kohton käujatele L. T. S. aastast 1860 § 772 ja 773 perra ette kuulutedu. Sohwi Sissas ei olle selle kohto mõistmissega rahhule, nink om sel 17. Mail c. selle kohto een omma sowimist teeda andnu et temma tahhab surembat kohhut pallelda omma kohton kaibusse asju selletada. 

Sohwi Sissasele om ka se sädusse perra Appellation täht wälja antu sel 17. Mai 1872. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX