Kaika Karl Kaska kaibas siin koggokonna kohto een: "Johann Koemõtz om minno karjatee weerest aija mahha lahknu, ni et minna nüüd omma karjaka mitte ei pässe karja maale."

Johann Koemõtz astus kohto ette nink temmale oma se Karl Kaska kaibus ette loetu. Selle päle kostis Johann Koemõtz: "Se om kül õige, et minna selle Karl Kaska tettu aija olle mahha lasknu lahkuta, säält ei olle üttegi karja teed enge wankri tee 6 künärd lai; Karl Kaskal ei olle mitte õigus minno nurmest ja mõtsma kui ka minno karja-maa ülle omma karjaka käwwa, sest minno maaplatsi ülle ei olle maamõetja üttegi karja teed Karl Kaskale wälja mõetnu. Karl Kaska ostse perran maamõetmist nink piiripandmist hendale ütte tükki mõisa mõtsa, nink selle manno ostetu mõtsa-maa manno ei olle maamõetjal üttegi teed kaarti päle tähhentedu."

Otsus.

Et Johann Koemõtz omma lubbaga selle aija om ärrä lasknu mahha kisku, peab Johann Koemõtz selle mahha kistu aija jälle laskma ülles tetta nida et karjaka nurme wiljale kahjo ei wõi sündida.

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX