Wanna Koiola koggokonna kohtun Wissen, sel 15nel nowembril 1876.

Man olliwa kohtovan(n)emb Jaan Pihho

                    kohtomees, Johann Keerd

                    kohtomees, Peep Tobre

Põlwa oppetaja Herra kirja perra, mes sel 1sel nowembril s.a. Nr 342, Peter Pikk kaibusses om(m)a naise Ewaga wasta Johann Haidak om(m)a naisega, nõidusse perrast, ei olle henne waiel tem(m)a een leppi sanu ja kässep kohtul moista neide waiel

Sis saap se protokolli perra, mes sel 4tal augustil 1875 Nr 111 ülles woetus sellesama asja perra; nink wastsest neile moistetus. 

Jälle tõendap Peter Pik om(m)a naise Ewaga, et tem(m)a kallo ja pakso pudro wimisse perrast henda latsile ja elläjile wigga sanu; nink ütlep sedda ka täämba tõtte ollew. Kohtowan(n)emb Jaan Pihho wälja üttelus perra, kes neil kohhalt liggi ellap, ei jätwat Peter Pik om(m)a naise Ewaga Johann Haidakut rahho tem(m)a naisega; konna kül tem(m)a üttelus perra, Katrel Haidakul kige wähhemb nõidusse tempo man ei olle; mes kun(n)agi selle ajani risti inneminne ei woi kellegi käest henda kätte arwata; ent Ewa Pik ei olla ütsinda tem(m)a käest sedda nõidmist kahjus sanu; enge ka kaddonu Ann Lutz käest, kedda lubbas hamne   ma panda 1/, 3/ nink ütinda Jum(m)al om ka om(m)a aja päle õndsa surma läbbi tedda siist ilmast ärra kuts; 2/ nink kellega ellen ütte puhku nõidmisse lorri een olli.

Moistetu: Sis om eggal üttel moistlikkule innemisses nätta, et Ewa Pik om(m)a mehhe Petrega, nisuggust hirmsat maausku peap; mes risti rahwal sel kõrral wal-

gusse ajal mitte ei sünni; nink siski muid innemiste om(m)a wäärussuga kiusata wõttap, nink tem(m)ast lahkuda ei tahha; ja henda walgusse pole ümbre käända.

Otsus: Istup Peter Pik kui om(m)a naise pää eesmält 3 ööd päiwa ja kui tem(m)a wälja istnu; sis perrast jälle tem(m)a naine, 3 ööd päiwa, selle koggokonna koh-

to maja türmin 14 päiwa sissen kinni ütte wagga innemisse Katre Haidako trotsmisse perrast; nink et ka selle läbbi om(m)a tõise polega wastse ello walgusse poole wõttas henda ülles wirrotada; nink nisuggust hullust mahha jätta.

Kohtokäüjile otsus ete loetu, suremba kohtokäümisse sädus § 772, 773 n. 774 perra kulutedu.

                         Kohtowannemb, J Pihho

                         Kohtomees, Johann Keerd  XXX

                         Kohtomees, Peep Tobre  XXX

                                Kirjotaja, J. Käis

Peter Pik protokoll wälja sanu sel 20 nowembril s.a.