Wanna Koiola koggokonna kohtun Wissen, sel 15nel nowembril 1876.

Man olliwa kohtowan(n)emb, Jaan Pihho

                    kohtomees, Johann Keerd

                    kohtomees, Karel Kooskora

Jaan Hindrekson kaibap, et Tim(m)o walla Plakki otsa perremeeste karjusse te(m)ma äddala hain karjaga ärra söötnu; nõwwap 40 rbl. sis om rahho.

Johann Plado wastutas:"Minna kässi karjussel koplin olla; nink selle päle es sa lõunes leibagi kottost; egga min(n)a ei tija, kohhes tem(m)a perrast woise ellaji-

dega minna.

Peter Plado wastutas: Minna es kässe om(m)al karjuses konnagi muide jao päle minna; sest et essike perris krunt käen om."

Kusiko Peter Plado wastutas:"Minna essi kotton es olle; sis olla tulnu tol päiwal Jakob Plak karjus ja käsknu hendaga ütten äddalat söötma tulla. 

Jaan Plado wastutas:"Mul essike olli ni paljo haina om(m)a krundi pääl, et ellaja kats aastat es olles jõudnu ärra süwwa. Mulle ei puttu karjuse sõbrustaminne tõistega middagi."

jääp polele seperrast et karjussit kaibaja ülles es anna.

  Jaan Miita  Kährist

  Tim(m)ost Liis Kukkela

  Johann Tamm, Miastest

  Josep Sussi Ahjast     Nr 356.