Sel 19. Aprillil c.sisse kaiwatu.
Anz Tootsen kaibas et Karl Zaggaja om temmal 10 Rubla rahha ärrä warrastanu, nink Karl Zaggaja om se 10 Rubla Urwaste saija pekri kätte ärrä wahhetanu sure neljapäiwa juttusse ajal.
Sel 17. Mai 1872.
Karl Zaggaja astus kohto ette nink temmale om se Anz Tootseni kaibus ette loetu; selle päle kostis Karl Zaggaja: "Minna ei olle mitte Anz Tootseni rahha warrastanu nink ei tija ka kos temma rahha om jänu. Minna ostse kaupmees Kurrikoffi käest kül ütte nahk suitse nink wahhetasi 25 Rublalisse pabber rahha Kurrikoffi man ärrä, nink wimate lätsi minna saija pekri manno nink ostse säält saija nink wahhetasi saija pekrile 10 Rublalisse pabber'rahha ärrä."
Kui kohhus Karl Zaggaja käest küssis: "Kost sinna selle 25 Rublalisse pabberi rahha ollet sanu?" sis kostis Karl Zaggaja : "Sedda 25 Rublat anniwa minnole minno wannemba (essa ja emma)."
Selle päle panti Karl Zaggaja türmi kinni, nink kohtomees Jaan Reiljan ja wöörmünder Anz Mölder lätsiwa Karl Zaggaja essa nink emma kaest perra küssima (nõudma), kui paljo nemma omma poja Karl Zaggajale enne lihhawõete pühhi rahha ommawa andnu. Karl Zaggaja essa ja emma omma tunnistanu kohtomehhele ja wöörmündrele, et neidel kunnagi nida paljo rahha 25 Rublalist pabberit ei olle olnu, nink ei olle ka omma poja Karlile üttegi kopekat rahha andnu.
Tunnistaja Urwaste saija pekri Peter Kukkar andse tunnistust: "Karl Zaggaja tulli suure neljapäiwa juttusse ajal minno manno ja ostse 10 Kopka eest saija nink andse minnole ütte kümne Rublalisse pabberi, minna wahhetasi selle 10 Rbl. temmale ärrä. Mõnne päiwa perrast tulli Anz Tootsen minno manno nink küssis: "Kas keagi siin ütte kümne Rublalist pabberirahha suure-neljapäiwa om wahhetanu, selle pabberi rahhal om üts essiärrälik täht man?" Minna kostse selle päle Anz Tootsenile: "Minno käen om kül nida suggutse tähhega rahha Karl Zaggaja käest wahhetedu."
Otsus.
Se tunnistaja wäljaütlemisse perra om Karl Zaggaja sedda Anz Tootseni 10 Rubla rahha warrastanu, sis peab Karl Zaggaja katte näddala sissen sedda 10 Rubla rahha Anzule ärrä masma, nink et Karl Zaggaja om wõlsnu, et temma 25 Rubla ommi wannembide käest om sanu, saab Karl Zaggaja 25 witsa hoopi.
Neile kohton käujatele omma ka ne L. T. S. §§ 772.773 aastast 1860 ette kuulutedu.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
Sel 19. Aprillil c.sisse kaiwatu.
Anz Tootsen kaibas et Karl Zaggaja om temmal 10 Rubla rahha ärrä warrastanu, nink Karl Zaggaja om se 10 Rubla Urwaste saija pekri kätte ärrä wahhetanu sure neljapäiwa juttusse ajal.
Sel 17. Mai 1872.
Karl Zaggaja astus kohto ette nink temmale om se Anz Tootseni kaibus ette loetu; selle päle kostis Karl Zaggaja: "Minna ei olle mitte Anz Tootseni rahha warrastanu nink ei tija ka kos temma rahha om jänu. Minna ostse kaupmees Kurrikoffi käest kül ütte nahk suitse nink wahhetasi 25 Rublalisse pabber rahha Kurrikoffi man ärrä, nink wimate lätsi minna saija pekri manno nink ostse säält saija nink wahhetasi saija pekrile 10 Rublalisse pabber'rahha ärrä."
Kui kohhus Karl Zaggaja käest küssis: "Kost sinna selle 25 Rublalisse pabberi rahha ollet sanu?" sis kostis Karl Zaggaja : "Sedda 25 Rublat anniwa minnole minno wannemba (essa ja emma)."
Selle päle panti Karl Zaggaja türmi kinni, nink kohtomees Jaan Reiljan ja wöörmünder Anz Mölder lätsiwa Karl Zaggaja essa nink emma kaest perra küssima (nõudma), kui paljo nemma omma poja Karl Zaggajale enne lihhawõete pühhi rahha ommawa andnu. Karl Zaggaja essa ja emma omma tunnistanu kohtomehhele ja wöörmündrele, et neidel kunnagi nida paljo rahha 25 Rublalist pabberit ei olle olnu, nink ei olle ka omma poja Karlile üttegi kopekat rahha andnu.
Tunnistaja Urwaste saija pekri Peter Kukkar andse tunnistust: "Karl Zaggaja tulli suure neljapäiwa juttusse ajal minno manno ja ostse 10 Kopka eest saija nink andse minnole ütte kümne Rublalisse pabberi, minna wahhetasi selle 10 Rbl. temmale ärrä. Mõnne päiwa perrast tulli Anz Tootsen minno manno nink küssis: "Kas keagi siin ütte kümne Rublalist pabberirahha suure-neljapäiwa om wahhetanu, selle pabberi rahhal om üts essiärrälik täht man?" Minna kostse selle päle Anz Tootsenile: "Minno käen om kül nida suggutse tähhega rahha Karl Zaggaja käest wahhetedu."
Otsus.
Se tunnistaja wäljaütlemisse perra om Karl Zaggaja sedda Anz Tootseni 10 Rubla rahha warrastanu, sis peab Karl Zaggaja katte näddala sissen sedda 10 Rubla rahha Anzule ärrä masma, nink et Karl Zaggaja om wõlsnu, et temma 25 Rubla ommi wannembide käest om sanu, saab Karl Zaggaja 25 witsa hoopi.
Neile kohton käujatele omma ka ne L. T. S. §§ 772.773 aastast 1860 ette kuulutedu.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
