Wanna Koiola koggokonna kohtun Wissen, sel 27tal nowembril 1876

Man olliwa kohtowannemb, Jaan Pihho

                    kohtomes, Johann Keerd

                    kohtomees, Karel Kooskora

Peter Lutzar kaibap, et Hindrek Taal tem(m)a wastse krundi päält allati mõtsa raggowat ja leppingut ei piddawat, mes neil henda waiel leppit olla; et eggaüts peap wastse krundi perra omma krunti pruukma ja mitte ülle om(m)a leppingo astma; nõwwap et piiri peawa ka nüüdgi weel kindmas jääma; ehk lasku 18ne wakka maa tullewa aasta tõug wilja tetta om(m)a krundi päle; sis om rahho.

Hindrek Taal wastutas:"Egga min(n)a tem(m)a maad ei olle käest wõtnu; nink minna olle ka tem(m)aga lepnu; et om(m)a mõts wanna krundi perra rao.

Peter Lutzar wastutas: Se om õige et minna Hindrek Thaal´ga lepnu olle, sedda mõtsa rakko; ent sis piddanu ka tem(m)a om(m)a lepping ni piddama; 

Nink 9tal webruaril 1876 N 27 protokolli perra tulliwa tõise perremehhe ja tem(m)a selle kohto ette ja lepsewa om(m)a wastse krundi pruukmisse ülle piiri puh-

tas ja kinnitawa sedda om(m)a käega, ent minna sedda siski es kinnita ja neide leppingo sisse es asto. Kewwaja and kogg. kohhus käsk, et minna pea ka selle leppingo sisse astma, mes wasta es wõtta ja suremba kohto sisse lätsi; kon ka seddasam(m)a wisi tetti. Sis peap ka minno poolt se otsus kindmas jäma; et piiri peawa puhtas tettu ollema wastse maa pruukmisse ülle; nida kui kellegi kätte om jaeto maa jaggajide polest.

Moistetu: Et Peter Lutzar es tahha neide leppingut om(m)a 18ne wakka maa kaotus perrast wasta wõtta, mes tõise perremehhe ja tem(m)a om(m)a leppingo perra kinnitiwa, ent kohhus kattelt poolt sund tedda wäggisi leppingot wasta wõtma, kon ka Hindrek Thaal om(m)a lepping om(m)a käega om kinnitanu, et piiri peawa puhtas jääma

Otsus: Sis jääp Hindrek Thaal om(m)a käega kinnitamisse perra piiri puhtas nihaste mõtsamaa, kui ka põllu ja mõtsade poolt, nink mõllemba peawa omma maad wastse piiride perra pruukma; nink ei tohhi kumb kum(m)agi wastse krundi päält ennämb üts pulk ligudata. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                           Kohtowannemb, J Pihho

                           Kohtomees, Johann Keerd  XXX

                           Kohtomees, Karel Kooskora  XXX

                                     Kirjotaja, J. Käis

Peter Lutzar protokoll wälja sanu, sel 19 nowembril s.a.