Wanna Koiola koggokonna kohtun Wissen, sel 13nel dezembril 1876.

Man olliwa kohtowannemb, Jaan Pihho

                    kohtomees, Johann Keerd

                    kohtomees, Karel Kooskora

Ewa Järweots kaibap om(m)a eestsaisja Jaan Semm man ollekin, et Jaan Järweots tedda pesnu, kui tem(m)a omma aida wargust tem(m)a poja päle om arwanu; nõwwap 100 rbl.

Jaan Järweots wastutas:"Minna ei olle tedda pesnu ei ka tol tunnil kui henda arwap pestus sada, - tedda om(m)a silmaga nännu. Selleperrast om se kiust; et suwwel minnost woito es sa ja tahhap nüüd selle kawwalussega minno jälle wastsest kimbotada. Minna olle koggoni tem(m)a pesmissest puhhas." - 

Ewa Sem(m) and tunnistust:"Minna kuli ütte käggisemist tahran; ent Ewa Järweots pesmist minna es näe." -

Koggokonna kohto arwaminne om: Et Jaan Järweots om(m)a suga sedda wabbandap, et pesnu tedda ei olle ja Ewa Semm ütlep henda tem(m)ast pestus sawat; nink tunnistust selle ülle ka kige wähhembat ei olle sada; nink tohtre tunnistus pudup ka. Sis ei woi se sinnane  koggokonna kohhus üttegi otsust anda; enge sadap allandlikkult se protokoll K. Werro Maa kohto kätte sisse. -

                      Kohtowannemb, J Pihho

                      Kohtomees, Johann Keerd  XXX

                      Kohtomees, Karel Kooskora  XXX

                                    Kirjotaja, J. Käis

Jaan Sem(m) protokoll wälja sanu, sel 17 dezembril s.a.