Wanna Koiola koggokonna kohtun Wisen, sel 20nel dezembril 1876.

Man olliwa, kohtowannemb, M. Kurwitz

                     kohtomees, Jaan Plak

                          "                Karel Tobrelutz

Johann Treial Perri- ja Katre Sassi Pallowallast kaibawa; et Jaan Jännes, Hans Richm, Jaan Sik ja Jaan Mõts 2 aastat taggasi näile sure tee pääl takkast päle ajanuwa; kon kangest mõllemba haiget sanu; nõudwa kokko 100 rbl.

Jaan Jännes wastutas:"Minna ei olle middagi nännu ja Maa kohhus om neid jo ülle kaenu; nink wigga es olle kum(m)algi nätta." -

Hans Richm wastutas ka seddasamma wisi." -

Jaan Sik wastutas:"Minna ka ei tija sest asjast middagi ja minna iste perra pääl nink hobbeste juhhataja olli Jaan Mõts." -

Johann Treial ja Katre Sassi es woi neide wastutamisse päle üttegi näggiat ülles anda. -

Moistetu: Et üttegi näggiat kõrwalt ei olle, et ne nim(m)itedu jalgo alla olles sanu ajetus; nink päle nüüd 100 rbl. nõudwa ja ei olle ka üttegi tohtre tunnistust, nink ka am(m)eti meeste ülle kaemist konna neid egga walla päle säetu om; nink häddalisses tarwitamisses allati peap käe perrast sada ollema.

Otsus: Saap siist poolt se kaibus koggoni tühjas arwatus.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                    Kohtowannemb, Michel Kurwitz  XXX

                    Kohtomees, Jaan Plak  XXX

                               "          Karel Tobrelutz  XX

                                   Kirjotaja, J. Käis