Wanna Koiola koggokonna kohtun Wissen, sel 20nel dezembril 1876.

 Kohtowannemb, M. Kurwitz

  Kohtomees, Jaan Plak

   Kohtomees, Karel Tobrelutz

Peter Lauk kaibap, et Perri mõtsa waht Jaan Ortus tedda sõimanu üttelden: Sin(n)a tsigga, tõbras ja sinna ollet aidaki ärra lahknu; selle päle perrast olla ka kohtomees Samo Jürjenson üttelnu: Sinna ollete kurrati tõbras ja wõit küm(m)e aita ärra lahko; nõwwap selle rasse trotsmisse eest 30 rbl. ja ka perrast, et nem(m)a peawa sedda tõttes teggema.

Samo Jürjenson wastutas:"Minna ei olle tedda trotsnu; ent Peter Lauk sõimas mõtsa wahti kül mõisa mõtsa wargas." -

Jaan Ortus wastutas;"Minna tedda trotsnu ei olle; enge tem(m)a trotse minno moisa mõtsa müjas ja wargas." -

Peter Kahre Josu wallast and tunnistust:  Peter Lauk üttel:"Kui minna olle aida lahknu, sis tahha raudo kanda. Selle päle üttel Samo Jürjenson : Sinna wõit mitto 10 aita lahko ja meil ei olle ka Wan(n)a Koiola kohtomeest tarwis ja üttel tedda mitto kõrd wargas." -

Moistetu: Kui kohtomees läts wargust moisa wallitsus kässu päle takkan otsma, mes mõtsast, mõtsa wahhi wahtmisse alt olla kaddonu ja ennegi pool tunnistust om Peter Lauk poolt: Et Samo Jürjenson kui kohtomees ehk woise ka tedda nida üttelda, kui inneminne sädusse mehhe käsku ei kuule; nida kui Petre Kahre tunnistussen saisap.

Otsus: Massap Peter Lauk 1 rbl. selle walla waeste ladike sisse trahwi 14 päiwa sissen wälja; selle perrast et piddi ütte am(m)eti mehhe käsk kuulma ja läbbi otsmissel mitte wasta pandma. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                         Kohtowannemb, M. Kurwitz  XXX

                         Kohtomees, Jaan Plak  XXX

                         Kohtomees, Karel Tobrelutz  XXX

                                  Kirjotaja, J. Käis

Peter Luk protokoll wälja sanu sel 23 dezembril