Jaan Anton om sel 7. Julil c. õddakult, kui temma kõrtsist joopunu koddo om tulnu nink Lüüsi Reino talli kõrwal om tikkuga tuld ülles tõmmanu nink om tahtnu õlle kattusse sisse tuld panda, ent Johann Lell nink Ado Joakit omma tulle temma käest ärrä wõtnu, nink Jaan Anton sai kohto maja manno toodus katte wahhi al, nink tõisel hommukul tulli päkohtomees Märt Lüüs kohto maja manno nink wei Jaan Antoni wahhi al mõisa wallitsusse ette. 

Jaan Anton om mõisawallitsust ja ka päkohtomeest wäega pallelnu, tedda siin koggokonna kohto man trahwi nida paljo kui koggokonna kohhus saap mõistma, sellega om Jaan Anton lubbanu rahhule olla nink ei mitte tedda Wõrro maakohto kätte saata. 

Otsus.

Koggokonna kohtomeeste ja wallawallitsusse ütte melel ja neide helliandmisse perra peap Jaan Anton nelli Rubla trahwi masma waeste ladiko hääs. 

Wallawallitsus om helli andnu:

Wallawannemb Johann Zimmer  "ja"

Wöörmöndre Peter Hinn  "ja"

  "  Anz Möldre  "ja"

  "  Tawit Kaar  "ja"

Kohtomehhe omma helli andnu:

Päkohtomees Märt Lüüs  "ja"

Kohtomees J. Reiljan  "ja"

  "  Sahkri Pik   "ja"

  "  Ado Puusep  "ja"

  "  Karl Wallner  "ja"