Wanna Koiola koggokonna kohtun Wissen, sel 17nel januaril 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Michel Plakso

Peter Hurt kaibap, et tem(m)a andnu Joh. Black kätte 90 rbl. hoita, 50 rbl. 5je proz. alla ja 40 rbl.perra saata kui tarwis; muido kiik kätte sadu; ent 69 rbl. rahha weel samata; nõwwap sedda kätte.

Johann Black wastutas:"Minna olle tälle sest rahhast ülle kige om(m)ast käest perra saatnu 40 rbl. ja kui tem(m)a taggasi tulli saije min(n)o käest jälle 20 rbl.; nink tem(m)a welle Ando kätte saije 30 rbl.

Ando Hurt wastutas: Minno kätte saije 22 rbl. om(m)a tarwitusse päle ja em(m)a kätte saije 8 rbl. kost tälle 5 rbl. em(m)a, kirjaga perra saate; ülle kige kokko 

30 rbl.

Johann Black wastutas:"Sedda rahha es olle mitte 90 rbl. ülle kige kokko, mes Peter Hurt minno kätte jätte; enge olli 80 rbl. nink 10 rbl. olle minna rohkemb wälja masnu; kui minno kätte tem(m)a hoita jätte.

Moistetu: Et se awwalik neide om(m)a suu kõnne perra, et Johann Black kiik se rahha Peter Hurt om(m)a kirja perra pallemisse perra om wälja andnu, nink

22 rbl. om welli Ando Hurt om(m)a tarwitusse päle saanu.

Otsus: Se puduw 22 rbl., mes Peter Hurt ei olle kohto arwamisse perra kätte sanu; peap Ando Hurt Johann Black kätte sel 28 webruaril s.a. masma; nink Johann Black peap tolsam(m)al kõrral jälle Peter Hurt kätte masma; sis omma ütstõisega kiik tassa. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                            Kohtowannemb, Michel Kurwitz  XXX

                            Kohtomees, Jaan Plak  XXX

                            Kohtomees, Michel Plakso  XXX

                                    Kirjotaja, J. Käis

Peter Hurt protokoll wälja sanu sel 19nel januaril s.a.