Wanna Koiola koggokonna kohtun Wissen, sel 17nel januaril 1877

Man olliwa kohtowan(n)emb, Michel Kurwitz

                  abbi kohtomees, Jaan Maasik

                   kohtomees, Michel Plakso

Johann Lutzar kaibap, et Josep Kadde tem(m)a naist pesnu ja käe ham(m)astega ärra purrenu; nõwwap 25 rbl. sis om rahho.

Josep Kadde wastutas:"Minna tedda pesnu ei ka purnu ei olle; enge tem(m)a pesse minno ahjo roobiga; nink perrast tulli Johan tem(m)a mees; ja pand mulle põlwe rindo päle; nink pesse puu halloga minno kangest; nõwwa 70 rbl. om(m)a pesmisse eest; sis olle ka min(n)a rahho. -

Michel Sing and tunnistust:"Sedda min(n)a näije, et nem(m)a kiik kolme keske kakliwa om(m)e tühje jutte ajamisse ja selletamisse perrast." -

Johann Lutzar üttel:"Minna tedda henda wasta tunnistajas ei tarwita." -

Moistetu: Et targa ja moistlikko innemisse tühjast asjast tülli teggewa; nink selle perrast kaklema lääwa; nink nüüd mõllemba weel hallo rahha nõudwa.

Otsus: Saap Johann Lutzar kui om(m)a naise pää 3 öös päiwas nink sam(m)a ka Josep Kadde 3 ööspäiwas 14 päiwa sissen koggokon(n)a kohto maja türmi moistetus; ent kaibaja enne ja kaiwataw perrast. 

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                      Kohtowannemb, Michel Kurwitz  XXX

                  abbi kohtomees, Jaan Maasik  XXX

                       Kohtomees, Michel Plakso  XXX

                          Kirjotaja, J. Käis

Josep Kadde protokoll wälja sanu sel 18nel januaril s.a.