Wanna Anzmõisa Tohtri herra Schwartzist antu tunnistusse kirja perra sel 3. Augustil 1872 om soldat Karl Kallioni käeluu, mes Isak Tamm om katski löönu, nüüd koggoni terwes sanu.

Otsus.

Isak Tamm peab Karl Kallionile 9 Rubla wallurahha masma, nink ka se Protokolli perra No. 74 sel 20. Junil c. wahhe otsussen mõistetu 14 Rbl. 80 Kop. Johann Lustile Karl Kallioni assemele 6 näddala päiwilisse palkas. Karl Kallioni omma tunnistusse perra om temma essi tülli allostaja olnu, nida kui Protokoll No. 74 sel 20. Junil c. selletust annab, peab Karl Kallion 3 Rbl. trahwi masma waeste ladiku hääs, nink Isak Tamm peab ka 3 Rbl. waeste ladiku hääs trahwi masma. 

Se kohto otsus om neile kohton käujatele L.T. S. aastast 1860 § 772 & 773 ette kulutedu. 

Karl Kallion ei olle se kohto mõistmissega rahhule enge tahhab surembat kohhut pallelda omma kohton kaibusse asju selletada. Karl Kallionile om ka sel 8. Augustil c. se sädusse perra Appellation täht wälja antu. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX

d. Copia am 1. September c. Einem Kaisrl. VII. Kirchspielsgerichte übersandt.