Wanna Koiola koggokonna kohtun Wissen, sel 17nel januaril 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Michel Plakso

Wasiljew Puksow kaibap, et Weodorow Schoschoijow tedda 7 kõrd raud suitsidega külle päle raskest löönu  ja nõwwap egga löögi eest 3 rbl.; ent ütskõrd suit-

sitte maad wasta pörrötamisse eest 10 rbl.  Kokko 31 rbl. sis om rahho.   

Weodorow Schoschoijow wastutas: Tem(m)a warastas minno ohja, selle perrast leije tälle kül kats kõrd; ent ennämb mitte; segi sündi ennämbüsi sõimamisse perrast." -   

Gusta Awwus Errastwerest and tunnistust:"Weodorow Schoschoijow leije 7 kõrd tubli raud suitsidega Wasiljew Puksowile kehha pitte; nink leije ka hiusit pitte maad wasta; ent se sündi enne päiwa tõssengut." -

Kohtomees Michel Plakso and Peep Märtison assemel tunnistust:"Et tem(m)a olla tännitamist kuulnu ja perrast nännu, et Weodorow Schoschoijow nim(m)ete-

du poisi pesnu; ent olla ennämb, kui kats kõrd kül tälle löönu." -   

Moistetu: Et katte tunnistusse läbbi awwalik ja essi ka sedda kaiwataw ei salga; et tälle lönu. -        

Otsus: Massap Weodorow Schoschoijow 5 rbl. Wasiljev Puksow hääs 14 päiwa sissen hallorahhas wälja; selle üllemeliko tõise pesmisse eest.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                         Kohtowannemb, M. Kurwitz  XXX

                         Kohtomees, Jaan Plak  XXX

                         Kohtomees, Michel Plakso  XXX

                                    Kirjotaja, J. Käis

Wasiljew Puksow ei olle selle otsussega rahho

Protokoll wälja saanu sel 18nel januaril s.a.