Eoste küllä perremehhe Märt Köiw päle kaebas Peter Kahha kes Märdiga ütten koon elläwa, et Märt Köiw olli tarren keedmisse perräst, tullega wäega rummalal wisil ellänu. Kohtumees Ado Plado sai Peter Kahha kaibusse päle seddä asja ülle kaenu, ja tunnistas et temma om rihhe tarren paga keetnu, ni et üts kolme jalga om kigelt poolt tulle ruumi olnu, Peter Kahha om seddä omma selmäga nänno, kus tulli josep tarre lakke, ja rehhi om üllewän. Selle päle kaibsiwa weel moisan koggokonna kohtu een Jann Kahha ja Trohwe Kahha et kui sedda kohto polest ei keletä sis Märt Koiw palletas meid kik ärrä, Nüüd piddi Märt kohtumeeste kässü päle kunna temma jo moisan olli Koggokona kohtu ette tullema, Märt paggessi ülle kässü koddo ärrä. Pä kohtumees Ado Plado and temmäle töist körda käskü. Moisahe tullep temma üttes kohtumehhele minnel ei prugi middägi teise käsku kuulda.

Pä kohtumees Ado Plado

Kohtumees Jaan Lutsuweer XXX

Kohtumes Peter Kinsigo XXX

Wöötmelter Peter Plado

Kirjotaja P. Plado