Wannakojola Himmaste Küllä perremehhe Hassi Peter ja Hango Mihkel, Kes omma Nido söötmisse perräst Eoste küllä perremeeste wasta Kaibasse, et Koggogunna kohhus selletasse neide Kahjo, ja moistose mes Eoste küllä Äidsi Hobbesdega neile Kahjo om tettü, Himmaste mehhe tunnistawa et neil om Kaardi wit ja omma egga aasta säält Häino sanu kui terwe om söötmissest. Eoste perremehhe tunnistawa et se wit ei olle Kaardi ei ka masso alla pantu, enge Karja ma, ja Krono mötsa jao sissen, ja weel tunnistawa Eoste rahwas et neide Himmaste ja Eoste küllä Aidse ja Karja käümisse wahhet ei olle olnu töine küllä om töise ma päle käüno.

Selle päle es moista Koggogunna kohhus middägi, selle perräst et ei olle selgest tedä kas se Wit om Kaardi ehk masso al ehk pri ma. Himmaste Mehhe Hassi Peter Hango Mihkel ei olle rahhul tahhawa Kihhelkunna Kohtun omma asja selledada.

Pä kohtumees Jaan Lutsuweer XXX

Kohtumees Peter Kinsigo XXX

Wöölmelter Peter Plado

Kirjotaja P. Plado