Wannakojola mötsawahhi welli Johhan Holwasoon olli lännü mötsa kaema löwwap 2 puud ärrä warrastedu ollewad. Olli wötnu Maaskalt Mihkel Tobre ütten lätsiwa Lauga küllä takkan otsma, Johhan Lutsuweri maija. Johhan Lutsuweer olli Johhan Holwasoniga tüllü lännü selle perräst mes temma ello otsma lätsiwa tahtnu mötsawahti kapluga kinni keüta. Säält om Johhan Rinnast kinni wötnu ja wäljäst tarre alla tömmanu ni kawwa kui tarre läwwe päle sis om Lutsuweer Holwasonile ni Rassetest pähhä lönu omma käega kui om Johhan Holwasoon mahha kukkuno ja pä om säült kotsild paistet ja Sinitses jänü. Mihkel Tobre kes Holwasoniga ütten olli om kik seddä nännu ja koggogunna Kohhun tunnistanu, ja tahhap ka Suremba Kohtu een wandega tunnistada. Johhan Lutsuweer wabbantas kül ärrä, siski saijo Mihkel Tobre tunnistusse päle Johhan Lutsuwer 15 Löki moistetus ja massap 1 Rubla Johhan Holwasonile lömise eest.

Pä Kohtumees Ado Plado

Kohtumees Jaan Lutsuweer XXX

Kohtumees Peter Kinsigo XXX

Wöölmelter Peep Laugamöts

Koggogunna Kirjotaja Peter Plado