Kohtomees Jaan Jaansoon olli jama palke winu nink saelaude 2 poisi Karel Järwböld nink töine Kinsi Petre Sullane Peter neil olli Kato hobbest een üts palk pääl Kohtomees olli pandnu 1 pooltöise tollelinne laud neile weel päle nink poissi olliwa se laud Wäimelle Kördsi man päält mahha wissanu kesset suurt teed nink Kohto mehhe kässu wasta ärrä lännü ja Kohtomees olli neid taggasi ajanu nink lasknu päle panda ja eddessi wijä. Selle man omma ne poissi Kohtomehhele roppaste könnelnu nink wasta pandnu, poissi kaibasse et Kohtomees om neile lönu, nink tahtwa et neile selle eest saas moistetus. Kohto mees ütles et temma ei olle neile middägi lönu. Tunnistust nink näggijat neil ei olle Kohhus ei moista selle päle muud kui selle eest sawa poissi Kohtomehhe tunnistusse päle et nemmä wasta omma pandnu kumbegi trahwitus 5 witsa lögiga.

Pä Kohtomees Jaan Paddari

Kohtomees Johhan Plak XXX

Kohtomees Jaan Jaansoon XXX

Wöölmelter Hindrek Saarnits

Kirjotaja Peter Plado