Ann Püwwi, Petre läsk, kaibas siin koggokonna kohto een: "Johann Püwwi / Petre poig, ei anna minno ossajaggo mitte kätte mes minno kaddunu mees Peter Püwwi minnole lubbasi, 30 Rubla selget rahha peab Johann minnole andma; ütskõrd küssisi minna Johanni käest sedda 30 Rbl. rahha minnole anda, ent Johann kostis selle päle: "Egga sinnol nüüd rahha waja ei olle, kui minna linna ärrä olle müünu, sis saate sinna ka omma jaggo rahha kätte." Sedda Johanni lubbamist kuuldse Järwe Märt Püwwi.

Johann Püwwi om minnewal talwel linna Linnert Lippartile ärrä müünu nink ka neide eest rahha wasta wõtnu."

Johann Püwwi astus koggokonna kohto ette nink temmale om se Ann Püwwe kaipus ette loetu, selle päle kostis Johann Püwwi: "Minna ei tija omma essa Petre rahhast middake, kas temmal rahha olli ehk es olle. Kui minno essa weel ellas, sis es kõnnela temma minnole kunnagi rahha perrast middake. Kui minno essa jo haige olli, kutse temma minno henda manno, temma naine Ann olli ka sääl man, nink käskse minnol rohho perra minna ja andse minno kätte 5 Rubla selget rahha; nink tõine kõrd andse minno essa 11 Rubla minno kätte  -- minna olle üttekokko 16 Rubla omma essa käest rahha sanu, muido temma rahha-warrandussest ei tija minna middake, kui minno ämmäku ehk poolemma Anne tunnistusse perra minno essa Peter Püwwil rahha om olnu, sis om ka se rahha minno poolemma Anne käen. 

Sellest rahhast mes essa minno kätte andse			16 Rbl.	Kop.
om poolemma Ann minno käest sanu	4 Rbl.	Kop.	15	92
minno essa mattusse kullu	6
"  "  mõisa wõlg	5	92
Jääb perra			Rbl.	8 Kop.

Tunnistaja Karl Põdder, läsja Ann Püwwe essa, astus kohto ette nink andse tunnistust: "Kui minno wäimees Peter Püwwi enne surma raske haige olli, sis käwwe minna tedda kaeman, sis üttel temma omma naise Annele: "Kuule naine, sinnole jättä minna 30 Rubla minno mälestusses." Muud lubbamist ehk ossajaggo jaggamissest es kõnnele Peter Püwwi minno kuulden middake."

Tunnistaja Märt Püwwi astus kohto ette nink andse tunnistust: "Kui Peter Püwwi haige olli, käüsi minna tedda kaema, nink lõidse et temma raske haige olli, ja ka pea perran minno ärräminnekit om ärrä koolnu. Peter Püwwi es kõnnela sel kõrral kui minna temma tõbbewoote een olli üttestki warrandussest ja rahhast middake.

Muud ei tija minna ennamb midda tunnistada."

Tunnistaja Jakob Põdder astus kohto ette nink andse tunnistust: "Minna ei olle Peter Püwwe käest, ei ka muide innimeste käest middake selle Peter Püwwe warrandusse nink rahha ülle ütteki juttu kuuldnu, nink ei tija ka selle ülle ütteki tunnistust anda."

Tunnistaja Linnert Lippart astus kohto ette nink andse tunnistust: "Minna olle kül kaddunu Peter Püwwe käest 27 punda linnu ostnu nink olle ka sedda linna rahha Peter Püwwe kätte ärrä masnu katten kõrran. Johann Püwwe linna olle minna ka ärrä ostnu nink neide eest 41 Rbl. 35 Kop. selget rahha wälja masnu.

Muud ei tija minna ennamb middake tunnistada."

Ann Püwwe ja Johann Püwwe kaipusse päle, et sel kaddunu Peter Püwwel olles rahha perra jänu, ei olle neide 4 tunnistajate wäljaütlemisse perra mitte selges sanu, et temmal rahha olles perra jänu; nink ei olle ka Ann Püwwel üttegi tunnistajat, kumma läbbi olles selges sanu et Peter Püwwi rahha Johann Püwwe kätte om sanu. Nida sammute ei olle Johann Püwwel üttegi tunnistajat siin kohto een ülles anda, kumma läbbi olles selges sanu et se Peter Püwwe rahha temma läsja Anne kätte om jänu. 

Otsus ei wõi se koggokonna kohhus neide tunnistuste perra mitte anda.  Kui neil kohton käujatel selle Peter Püwwe perra jänu rahha ülle selget tunnistust eddespäide wõiwa kohto ette tuwwa, sis om neil mõllembil lubba, sedda kohtonkäumist wastsest ülles wõtta. 

Peter Püwwe warrandusse ülle selletus jääp 3 näddali perrast siin kohto een ette wõtta. 

Peter Püwwe warrandus om perran temma ärrä koolmist sel 28. Julil 1872 ülles wõetu, kae Protokolli nööri ramatun No 13 _ 1872. 

Se maja warrandusse rahha arw om			83 Rbl.	50 Kop.
Tõine kõrd om tallo willi ja seemen ülleswõetu:
Leiwa terri olli	8 wakka, teep		16
Keswi	4  "		8
Kaaru	5  "		5
Hernit	1 1/2  "		4	50
Ubbe	2/3  "		2
Linnaseemnid	3  "		9
Kartohwlid	8  "		4
Suurmid	2  "		6
20 nakla raswa			2
10 punda soola			3	50
Üttekokko			143 Rbl.	50 Kop.
All-ealisse Peter Püwwe poja Karli ülles kaswatamisse tarbis mast ärrä	20 rbl.	Kop.	23	20
Karjus Ewa Antoni palk		20
"  Anton Tedder palk	3
Jääb 4 perrandajale ärrä jaggada			120 Rbl.	30 Kop.

Peter Püwwe warrandusse perrandaja omma:

Peter Püwwe läsk Ann,	26 aastat wanna - saap	30 Rbl.	7 1/2 Kop.
"  "  poig Johann,	24  "	30	7 1/2
"  "  tütr. Ewa,	20  "	30	7 1/2
"  "  poig Karl,	4  "	30	7 1/2
Üttekokko		120 Rbl.	30 Kop.

Otsus. 

Johann Püwwi, kelle käen nüüd se temma essast, Peter Püwwest, perra jänu warrandus allale hoita om, 143 Rbl. 50 Kop. wäärt, peab kige kahjo eest omma perrandusse ossajaoga, kui kige omma warrandussega wastutama, nink peab ka neile siin üllewan nimmitedu perrandajatele kigile neide ossajaggo ilma pudumata säetu ajal wälja masma.

Johann Püwwi peab sel eentullewal 1. Aprillil 1873 Peter Püwwe läsja Anne ossajaggo 30 Rbl. 7 1/2 Kop. sija koggokonna kohto kätte sisse masma. 

Johann Püwwi peab ka selle alealisse Karl Püwwe

ossajaggo temma ülles-kaswatamisse tarbis	20 Rbl.	Kop.
ja perrandusse ossajaggo	30	7 1/2
üttekokko	50 Rbl.	7 1/2 Kop.

siin koggokonna kohto kätte sisse masma, 20 Rbl. se eentullewal Jürripäiwal 1873 nink 30 Rbl. 7 1/2 Kop. tullewa süggisel 1873.

Selle al-ealisse Karl Püwwe ja läsja Ann Püwwe eestkostja ehk wöörmündre omma: Johann Püwwi, Märt Püwwi ja Jakob Põdder. 

Ewa Püwwi, Petre tüttar, jättab omma ossajao mes temmal essa perrandussest 30 Rbl. 7 1/2 Kop. sada om omma welle Johann Püwwe kätte allale hoita. 

Kaddunu Peter Püwwi om 5 aastat taggasi tõine kõrd abbiello sisse astnu nink om omma eddimetse naise warrandust ülles andnu nink sedda warrandust om temma tüttar Ewa ärrä sanu:

1 lehm	10 Rbl.	Kop. wäärt
1 lammas	2
1 kirst	1
1 kassuk	4
1 wanna särk		50
1 wastne särk	2
2 willast ündrikut	2
3 pä-rätti	1	50
2 põlle		50
Üttekokko	23 Rbl.	50 Kop. wäärt

Selle üllewan nimmitedu 23 Rbl. 50 Kop. wäärt kraami ülle ei olle Peter Püwwe läsjal Annel ei ka Petre pojal Karlil ütteki ossajaggo sada, enge ütsinda Peter Püwwe eddimetse abbiellon sündinu poja Johannil ja tüttre Ewal. Johann Püwwi saap 11 Rbl. 75 Kop. ja Ewa Püwwi saap 11 Rbl. 75 Kopkat. 

Neile kohton käujatele om ka se sädus ette kuulutedu mes tähhele tullep panda kui surembat kohhut tahhawa käwwa. 

Päkohtomees Märt Lüüs XXX

Kohtomees Sahkri Pik XXX

  "  Ado Puusep XXX

  "  Karl Wallner XXX