Wanna Koiola koggokonna kohtun Wissen, sel 21sel webruaril 1877

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

/: Saije ette woetus, mes sel 14nel webruaril s. a. Nr 41 polele jäije:/ -

Ann Matz and tunnistust:"Kui Mina Prillestal, latse sündimissele mahha saije, kon minna abbis olli; sis küsse: Kes sinno katte latse essa om: Sis üttel tem(m)a kaddonu: Josep Kadde om neide laste essa; nink Hello tarren olli se eddimän(n)e asja ajaminne enne Küüdle päiwa katte näddalit sel 1876.a."

Julie Schuter and tun(n)istust: Minna ei olle sest asjast middagi kuulnu ja ei moista ka tunnistust minkisuggust anda." 

Moistetu: Et katte tunnistaja läbbi awwalik; mes nem(m)a mõllemba kaddonu Mina Prillestal suust kuulnu: Et  Josep Kadde peap neide laste essa tõtteste ollema

Otsus: Massap Josep Kadde 10 aastat järgi pitte; egga aasta 60 rbl. walla wallaitsus kätte latse kaswatamisses; ent kui Josep Kadde tahhap sest massust prii jäda; sis towotago wande läbbi sedda suremba kohto man mahha, et tem(m)a ilma süüta om. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                       Kohtowan(n)emb, Michel Kurwitz  XXX

                       Kohtomees, Jaan Plak  XXX

                       Kohtomees, Karel Tobrelutz  XXX

                            Kirjotaja, J. Käis

Josep Kadde protokoll wälja sanu, sel 26tal webr. s.a.