Tulli kohto ette Peter Pedoke ning kaibas et temma katte ajasta eest selle tallomehhega Jaan Wiks selle Rassina tallo, Wiksi, henda päle 6 ajasta pääle wötnud, nink nüüd kui kats ajastad möda sanud ajawad kaibataw tedda majast wälja. Temma pallep nüüd selle eest mis temma selle maja mannu ehhitanud tassomist.

Jaan Wiks lubbab selle ehhitamisse eest mis semma selle tallo jurde ehhitanud, mollemba kokko, se om üts ait, ja üts küün, mollemba kolme sumaga nink pool lauta, wälja maksa mis kohhus moistwad, nink tahhab et kaebaja kewwaja majast walja lähhab. -

Moistetud: Maksab Jaan Wiks Peter Pedokessele selle ehhitamisse eest kümme rubl. höb 8 päiwasissen ärra nink lähhab kewwaja sist majast wälja, et temmal kaiserlikko kihhelkonna kohto poolt mitte kinnitedud kontrahti ei ulle. -

Moistus kulateto nink tallo rahwa sädusse ramato § 773 etteloetud kui tahtwad suremad kohhut kaija, nink mis kahjo neile sest woib sündida kui nemma sedda ärra unnetawad. -

Joseph Wardja XXX

Joseph Torg XXX

Peter Zirna XXX

Karel Karheiding XXX